Adventistanan-di Shete dia ta asepta e Beibel komo nan uniko medio di kerensianan fundamental ku mester wòrdu siña, komo e Sagrada Eskritura.
E kerensianan aki, manera e ta poné aki,ta forma e komprendementu di e Iglesia i e ekspreshon di Skritura su siñansa.
Kambionan por wòrdu hasí den reunionnan diKonferensia General ora ku e iglesia ta wòrdu gia pa e Spiritu Santu pa un komprendementu mas kompleto di e Beibel su berdat of pa haña un manera mas mehor pa ekspresa e siñansanan di Dios su Palabra Santu.

• 1. E skrituranan Santu
  E Skritura Santu, e Tèstamènt Bieu i Nobo, ta e Palabra di Dios skirbí, duná dor di inspirashon divino atrabes di hòmbernan santu di Dios, kende a papia i skirbi segun nan a ser mové pa e Spiritu Santu. Den e Palabra akí, Dios a duna na hende e sabiduria nesesario pa salbashon. E Skritura Santu ta e revelashon infalibel di Su boluntat. Nan ta e standarte di Su karakter, e tèst di eksperensha, e revelador outoritario di e dòktrina, i e registro konfiabel di e echonan di Dios den historia. (2 Pedro 1:20, 21; 2 Tim. 3:16, 17; S. 119:105; Prov. 30:5, 6; Isa. 8:20; Huan 17:17; 1 Tes. 2:13; Heb. 4:12.)
  



• 2. E Trinidat
  Tin un Dios: Tata, Yu i Spiritu Santu, un unidat di tres persona ko-etèrno. Dios ta inmortal, Todopoderoso,
  Omnisapiente di tur kos i Omnipresente. E ta infinito i mas ku komprondementu humano, atrabes di Su mes revelashon. E ta digno di nos alabansa, adorashon i di e sirbishi di henter kreashon pa semper. (Deut. 6:4; Mat. 28:19; 2 Kor. 13:14; Efe. 4:4-6; 1 Pedro 1:2; 1 Tim. 1:17; Rev. 14:7)
  



• 3. E Tata
  Dios e Tata etèrno, e ta e Kreador, Fuente, Sostenedor i Soberano di tur e kreashon. E ta hustu i Santu,< miserikòrdioso i bondadoso, no ta lihé pa rabia i abundante den berdadero amor i fieldat. E kualidatnan i poder ekshibí den e Yu i den e Spiritu Santu ta relevashonnan tambe di e Tata. (Gén. 1:1; Rev. 4:11; 1 Kor. 15:28; Huan 3:16; 1 Huan 4:8; 1 Tim. 1:17; Eksodo 34:6, 7; Huan 14:9.)
  



• 4. E Yu
  Dios e Yu etèrno a enkarná den Hesu-Kristu. Atrabes di dj'E tur kos a ser kreá, e karakter di Dios a ser revelá,
  salbashon di humanidat a ser kompletá, i e mundu ta ser husgá. Pa semper un Dios di berdat, El a bira hende, Hesus e Kristu. E tabata konsebí di Spiritu Santu i a nase di birgen Maria. El a biba i eksperenshá tentashon komo un ser humano, pero a duna e hustisia i amor di Dios komo ehèmpel. Dor di Su milagernan El a manifestá e poder di Dios i a ser kategorisá komo e Mesías primintí di Dios. El a sufri i a muri boluntariamente riba un krus pa nos pikánan i na nos lugá, El a resusitá for di morto, i subi den e santuario selestial pa ministrá na nos fabor. E lo bini atrobe den gloria pa e liberashon final di Su pueblo i restourashon di tur kos.
  (Huan 1:1-3, 14; Kol. 1:15-19; Huan 10:30; 14:9; Rom. 6:23; 2 Kor. 5:17-19; Huan 5:22; Lukas 1:35; Fil. 2:5-11;
  Heb. 2:9-18; 1 Kor. 15:3, 4; Heb. 8:1, 2; Huan 14:1-3.)
  



• 5. E Spiritu Santu
  Dios e Spiritu etèrno tabata aktivo huntu ku e Tata i e Yu na Kreashon, Enkarnashon i Redenshon. El a inspirá e
  eskritornan di e Skritura. El a yena bida di Kristu ku poder. E ta yama i konvensé sernan humano; i esnan ku
  responde E ta renobá i transformá nan den e imágen di Dios. Mandá di e Tata i e Yu pa ta semper huntu ku Su yunan, e ta ekstendé donnan spiritual na e Iglesia, ta dun'é poder pa testiguá di Kristu, i den harmonía ku e Skrituranan ku ta guia na tur berdat. (Gen. 1:1, 2; Lukas 1:35; 4:18; Echonan 10:38; 2 Pedro 1:21; 2 Kor. 3:18; Efe. 4:11, 12; Echonan 1:8; Huan 14:16-18, 26; 15:26, 27; 16:7-13)
  



• 6. Kreashon
  Dios ta e kreador di tur kos, i El a revelá den Skritura e registro outéntiko di Su aktividat kreativo. Den seis dia Señor a traha "shelu i tera" i tur kriatura bibiente riba tera, i El a sosegá riba e di Shete Dia riba e último dia di siman. Asina ta ku El a establesé e Sabat komo un memorial perpétuo di a kompletá Su trabou kreativo.
  E promé hòmber i muhé tabata trahá den e imágen di Dios pa koroná e obra di Kreashon, a haña dominio riba mundu, i a duna nan e responsabilidat pa kuida p'é. Ora e mundu tabata kla, e tabata "masha bon" e gloria di Dios a deklará. (Gén. 1; 2; Eks. 20:8-11; Ps. 19:1-6; 33:6, 9; 104; Heb. 11:3.)
  



• 7. E naturalesa di Hende
  Hòmber i muhé a ser traha den e imágen di Dios ku individualidat, ku poder i libertat pa pensa i hasi. Siendo kreá komo sernan liber, kada unu ta un unidat indivisibel di kurpa, mente i spiritu, dependiendo riba Dios pa bida, rosea i tur otro kos. Ora nos promé parientenan a desobedesé Dios, nan a ninga nan dependensia riba dj'E i a kai for di nan posishon haltu bou di Dios. E imágen di Dios den nan tabata mará i nan a bira suheto na morto. Nan desendientenan a kompartí e naturalesa kaí i su konsekuenshanan.Nan ta nase ku debilidat i ku tendensia pa hasi maldat. Pero Dios den Kristu a rekonsiliá Su mes ku e mundu i pa medio di Su Spiritu a restorá mortalnan
  penitente na e imágen di nan Hasidó. Kreá pa e gloria di Dios, nan ta yamá pa stim'E i un stima un otro, i pa kuida nan medio ambiente. (Gén. 1:26-28; 2:7; Ps. 8:4-8; Echonan 17:24-28; Gén. 3; Ps. 51:5; Rom. 5:12-17;
  2 Kor. 5:19, 20; Ps. 51:10; 1 Huan 4:7, 8, 11, 20; Gén. 2:15.)
  



• 8. E gran Kontroversia
  Henter humanidat awor ta involví den un gran kontroversia entre Kristu i Satanas rel ashoná ku e karakter di Dios.
  Su lei i Su soberanidat riba e univèrso. E konflikto akí a originá den shelu ora un ser kreá, endusí pa su libertat
  pa skohe eksaltashon propio i a bira Satanas, Dios su atversario a guia un porshon di angelnan den un rebelion.
  El a introdusí e spiritu di rebelion riba mundu ora el a guia Adam i Eva den piká. E piká humano akí a resultá den destorshon di e imágen di Dios den humanidat, desòrdu di e mundu kreá, i su eventual devastashon den tempu di diluvio universal. Opservá pa henter e kreashon, e mundu akí a bira área di konflikto univèrsal, den kua e Dios di amor lo ser ultimadamente vindiká. Pa yuda Su pueblo den e kontroversia akí, Kristu a manda e Spiritu Santu i e angelnan fiel pa guia, protehá i sostené nan den e kaminda di Salbashon.(Rev. 12:4-9; Isa. 14:12-14; Eze. 28:12-18; Gèn. 3; Rom. 1:19-32; 5:12-21; 8:19-22; Gèn. 6-8; 2 Pedro 3:6; 1 Kor. 4:9; Heb. 1:14.)Rom.1:19-32; 5:12-21; 8:19-22; Gen.6-8; 2 Pedro 3:6; 1 Kor.4:9; Heb.1:14.]
  



• 9. E Bida, Morto, i resukekshon di Kristu
  Kristu su bida pèrfekto di obedensia na e boluntat di Dios, Su sufrimentu, morto i resurèkshon,
  a proveé e úniko medio di ekspiashon pa piká humano, p'asina esnan ku pa medio di fe aseptá e ekspiashon aki por haña bida etèrno, i henter kreashon por komprondé mihó e amor santu i infinito di e Kreador. E ungimentu pèrfekto akí ta vindiká e hustisia di e lei di Dios i e grasia di Su karakter, pasóbra nan tur dos ta kondená piká i ta proveé pordon pa esakí. E morto di Kristu ta supstituto, ekspiatorio, rekonsiliador i transformador. E resurèkshon di Kristu ta proklamá Dios Su triunfo riba e forsanan di maldat, i pa esnan ku aseptá e ekspiashon akí ta sigurá nan viktoria final riba piká i morto. E ta deklará ku Hesu-Kristu ta Señor, dilanti kua tur rudia den shelu i tera lo dobla. (Huan 3:16; Isa. 53; 1 Pedro 2:21, 22; 1 Kor. 15:3, 4, 20-22; 2 Kor. 5:14, 15, 19-21; Rom. 1:4; 3:25; 4:25; 8:3, 4; 1 Huan 2:2; 4:10; Kol. 2:15; Fil. 2:6-11.)
  



• 10. E eksperensia di Salbashon
  Den amor i grasia infinito Dios a traha Kristu, Kende no a konosé piká, pero a bira piká pa nos, asina ku den dj'E nos por risibí e hustisia di Dios. Guiá pa e Spiritu Santu nos ta sinti e nesesidat, i e konosementu di nos pekaminosidat, ta arepentí di nos transgreshonnan i ta ehersé fe den Hesus komo Señor i Kristu, komo e Supstituto i Ehèmpel. E fe aki den kual nos ta risibí salbashon, ta bini pa medio di e poder divino di e Palabra i e ta e don di e grasia di Dios. Pa medio di Kristu nos ta hustifiká, adaptá komo yunan hòmber i muhé di Dios, i liberá for di e esklabitut di piká. Pa medio di e Spiritu nos ta nase di nobo i ta santifiká; e Spiritu ta renobá nos mente, e ta skirbi e lei di e amor di Dios den nos kurason, i na nos ta ser duná e poder pa biba un bida santu. Uniendo ku n'E nos ta bira herederonan di e naturalesa divino i awor ta haña e siguransa di salbashon i di huisio. (2 Kor. 5:17-21; Huan 3:16; Gal. 1:4; 4:4-7; Tito 3:3-7; Huan 16:8; Gal. 3:13, 14; 1 Pedro 2:21, 22; Rom. 10:17; Lukas 17:5; Marko 9:23, 24; Efe. 2:5-10; Rom. 3:21-26; Kol. 1:13, 14; Rom. 8:14-17; Gal. 3:26; Huan 3:3-8; 1 Pedro 1:23; Rom. 12:2; Heb. 8:7-12; Eze. 36:25-27; 2 Pedro 1:3, 4; Rom. 8:1-4; 5:6-10.)
  



• 11. Kresiendo den Kristu
  Hesus a triunfá riba e forsanan di maldat dor di su morto na krus. Esun ku a dominá e spiritunan demoniáko durante su ministerio terenal, El a kibra nan poder i El a sigurá nan destrukshon pa semper. E viktoria di Hesus ta duna nos e viktoria riba e forsanan maligno ku ta buska ahinda pa kontrolá nos, i E ta pèrmiti nos anda ku e pas, goso i sertesa di su amor. E Spiritu Santu awor ta mora den nos i ta duna nos e poder. Dor di ta kontinuamente komprometí ku Hesus komo nos Señor i Salbador, nos ta liber di nos karganan ku nos a kometé den pasado. Nos no ta mora mas den tinieblanan, ni den e temor di e podernan maligno, ni den ignoransia, ni den falta di sentido pa e manéra antiguo ku nos tabata biba. Den e libertat nobo akí den Hesus, nos ta wòrdu invitá pa desaroyá nos mes den e semehansa di su karakter; den komunion kun'É tur dia dor di orashon, alimentashon di Su palabra, meditando riba Dje i Su providensia, entonando alabansanan den Su nòmber, reuniendo pa ador'É i pa partisipá den e mishon di e iglesia. Dor di rondoná nos mes den servisio amante i testifikando na esnan ku ta rònt di nos, e presensia konstante di Hesus pa medio di e Spiritu Santu, ta transformá kada momentu i kada trabou den un eksperensia spiritual. (Sal. 1: 1, 2; 23: 4; 77: 11, 12; Kol. 1: 13, 14; 2: 6, 14, 15; Luk. 10: 17-20; Efe. 5: 19, 20; 6:12-18; 1 Tes. 5: 23; 2 Ped. 2: 9; 3: 18; 2 Kor. 3:17, 18; Fil. 3: 7-14; 1 Tes. 5:16-18; Mat. 20: 25-28; Juan 20:21; Gal. 5: 22-25; Rom. 8: 38, 39; 1 Juan 4: 4; 68 Heb. 10: 25).
• 
  
  
  
• 12. E Iglesia
  E Iglesia ta e komunidat di kreyentenan ku ta kere i ta konfesá Hesu-Kristu komo Señor i Salbador. Den kontinuidat ku e pueblo di Dios di tempu di Tèstamènt Bieu, nos ta yamá for di e mundu; i nos ta uni huntu pa adorá, pa kompañerismo, pa instrukshon di e Palabra, pa selebrashon di e Sena di Señor, pa servisio na henter humanidat, i na henter mundu pa proklamashon di e evangelio. E iglesia ta haña su outoridat for di Kristu, Kende ta e Palabra enkarná, i for di e Skrituranan, kua ta e Palabra skirbi. E Iglesia ta e famia di Dios; adoptá p'E komo yunan, su miembronan ta biba a base di e pakto nobo. E Iglesia ta e kurpa di Kristu, un komunidat di fe den kual Kristu Mes ta e kabes. E Iglesia ta e brùit pa kua Kristu a muri pa e santifik'é i limpi'é. Na Su regreso ku tròmpèt, E lo present'é na su Mes komo un Iglesia glorioso, e fielnan di tur edat, i ku Su sanger, e lo no tin mancha ni ploi, pero lo ta santu i sin kulpa. (Gén. 12:3; Echonan 7:38; Efe. 4:11-15; 3:8-11; Mat. 28:19, 20; 16:13-20; 18:18; Efe. 2:19-22; 1:22, 23; 5:23-27; Kol. 1:17, 18.)
  



• 13. E remanente i su Mishon
  E iglesia universal ta komponé di tur esnan ku realmente ta kere den Kristu, pero durante e último dianan lo tin un tempu di apostasía universal, un remanénte lo ser yamá afó pa warda e mandamentunan di Dios i tin e fe di Hesus. E remanénte akí lo anunsiá e ora di huisio, proklamá salbashon pa medio di Kristu, i e heraldonan akí lo aproksimá Su segunda binida. E proklamashon akí ta simbolisá pa e mensahe di e tres angelnan di Revelashon 14; i e ta koínsidí ku e trabou di huisio den shelu i ta resultá den un trabou di arepentimentu i reforma riba tera. Kada kreyente ta yamá pa tin un parti personal den e tèstimonionan universal. (Rev. 12:17; 14:6-12; 18:1-4; 2 Kor. 5:10; Hudas 3, 14; 1 Pedro 1:16-19; 2 Pedro 3:10-14; Rev. 21:1-14.)
  



• 14. Unidat den e Kurpa di Kristu
  E iglesia ta un kurpa komo miembronan, yamá for di tur nashon, tribu, lenga i pueblo. Den Kristu nos ta kriaturanan nobo; no tin distinshon di rasa, kultura, edukashon i nashonalidat, i diferensha entre superior i inferior, riku i pober, hòmber i muhé, esakínan no mester ta visibel entre nos. Nos tur ta igual den Kristu, Kende pa un Spiritu a uni nos den un kompañerismo ku n'E i unu ku otro, nos mester sirbi i ta sirbi sin parsialidat òf reserva. Atrabes di e revelashon di Hesu-Kristu den e Skrituranan, nos ta kompartí e mésun fe i speransa, i ta sali pa kompartí un tèstimonio na tur. E unidat akí tin su fuente den e unidat di un solo Dios, kende a adoptá nos komo Su yunan. (Rom. 12:4, 5; 1 Kor. 12:12-14; Mat. 28:19, 20; S. 133:1; 2 Kor. 5:16, 17; Echonan 17:26, 27; Gal. 3:27, 29; Kol. 3:10-15; Efe. 4:14-16; 4:1-6; Huan 17:20-23.)
  



• 15. Boutismo
  Pa medio di boutismo nos ta konfesá nos fe den e morto i resurèkshon di Hesu-Kristu, i ta tèstifiká di e morto pa piká i di nos propósito pa kana den nobedat di bida. Ke mèn nos a konfirmá Kristu komo nos Señor i Salbador, bira Su pueblo, i ta risibí komo miembro pa Su iglesia. Boutismo ta e símbolo di nos union ku Kristu, e pordon di nos pikánan, i e risibimentu di e Spiritu Santu. Ta ser imergí den awa despues di un afirmashon kontingente di nos fe den Hesus i evidensia di nos arepentimentu di nos piká despues di a sigui instrukshonnan den e Skritura Santu i aseptashon di su siñansanan. (Rom. 6:1-6; Kol. 2:12, 13; Echonan 16:30-33; 22:16; 2:38; Mat. 28:19, 20.)
  



• 16. E sena di Señor
  E sena di Senor ta un partisipashon den e emblema di e kurpa i sanger di Hesus komo un ekspreshon di fe den dj'E, komo nos Señor i Salbador. Den e eksperensha akí di komunion, Kristu ta presente pa topa i fortalesé Su pueblo. Manéra nos ta partisipá gososamente, nos ta proklamá e morto di Señor te ora E bini atrobe. Preparashon pa e Sena di Señor ta inkluí eksaminashon propio, arepentimentu, i konfeshon. E Maestro a ordená e sirbishi di labamentu di pia pa duna nifikashon na e limpiamentu di nobo, pa ekspresá e boluntat pa un sirbi otro den humildat manéra Kristu a hasi, i pa uni nos kurasonnan den amor. E sirbishi di komunion ta habrí pa tur ku ta kere den Kristianismo. (1 Kor. 10:16, 17; 11:23-30; Mat. 26:17-30; Rev. 3:20; Huan 6:48-63; 13:1-17.)
  



• 17. Donnan Spiritual i Ministerionan
  Dios a deramá Su donnan spiritual riba tur miembro di Su Iglesia den tur edat, den kua kada miembro lo ta empleá den ministerio di amor na bienestar di e Iglesia i di humanidat. E agensia di e Spiritu Santu, Kende su aporte na kada miembro ta manéra E ke, ta duna donnan ku ta proveé habilidatnan i e ministerionan nesesario pa e Iglesia por kumpli ku e funshonnan divinamente ordená. Di akuerdo ku Skritura, e donnan akí ta inkluí tal ministerionan manéra fe, sanashon, profesía, proklamashon, enseñansa, atministrashon, rekonsiliashon, kompashon, i servisio di sakrifisio propio i benevolensia pa yudansa i enkurashamentu di hende. Algun miembro ta yamá di Dios i ta ungí pa e Spiritu pa funshonnan rekonosé pa e Iglesia pa kua asuntunan pastoral, evangelístiko, apostóliko, i ministerionan di enseñansa partikular espesialmente ora tin mester di miembronan ekipá pa servisio pa edifiká e iglesia na madures spiritual, i pa enfoká unidat den fe i konosementu di Dios. Ora miembronan empleá e donnan spiritual akí komo mayordomonan fiel di Dios su grasia variá, e Iglesia ta ser protehá for di influenshanan destruktivo di dòktrinanan falsu, nan lo krese ku un kresementu ku lo ta di Dios, i ta edifiká den fe i amor. (Rom. 12:4-8; 1 Kor. 12:9-11, 27, 28; Efe. 4:8, 11-16; Echonan 6:1-7; 1 Tim. 3:1-13; 1 Pedro 4:10, 11.)
  



• 18. E don di Profesia
  Un di e donnan di Spiritu Santu ta Profesía. Esakí ta un marka di identifikashon di e Iglesia remanénte i tabata manifestá na Elena G. White. Segun e mensahero di Dios, su eskritonan ta un fuente di outoridat di e berdat kontinuo kua ta proveé konfortamentu pa e Iglesia, guiansa, instrukshon, i korekshon. E ta aklará ku e Beibel ta e standarte pa kua tur siñansa i eksperensha mester ser pone na prueba. (Joel 2:28, 29; Echonan 2:14-21; Heb. 1:1-3; Rev. 12:17; 19:10.) 70
  



• 19. E lei di Dios
  E gran prinsipio di e lei di Dios ta enbolbí den e Dies Mandamentunan i ta duná komo ehèmpel den e bida di Kristu. Nan ta ekspresá e amor di Dios, Su boluntat, i Su propósito pa e kondukta humano i su rel ashon ta uni tur hende di tur edat. E preseptonan akí ta basá riba e pakto ku Dios a hasi ku Su pueblo i e standarte di e huisio di Dios. Atrabes di e agensia di e Spiritu Santu nan ta saka piká i ta spièrta e sentido di e nesesidat di un Salbador. Salbashon lo ta kompletamente pa grasia i no pa obra, pero su fruta ta obedensia na e Mandamentunan. E obedensia akí ta desaroyá e karakter Kristian i ta resultá komo un sentido di bienestar. E ta un evidensia di nos amor pa Señor i nos preokupashon pa nos semehantenan. Obedensia pa fe ta mustra e poder di Kristu pa transformá bida, i p'esei ta fortifiká e testimonio Kristian. (Eks. 20:1-17; S. 40:7, 8; Mat. 22:36-40; Deut. 28:1-14; Mat. 5:17-20; Heb. 8:8-10; Huan 15:7-10; Efe. 2:8-10; 1 Huan 5:3; Rom. 8:3, 4; Ps. 19:7-14.)
  



• 20. E Sabbat
  E Kreador benefisiente, despues di seis dia di Kreashon, a sosegá riba e di shete dia i a instituí e Sabat pa tur hende komo un memorial di e Kreashon. E di kuater mandamentu di Dios su lei inkambiabel ku ta rekerí e opservansha di e di shete dia akí komo e dia di sosiegu, di adorashon, i ministerionan den harmonía ku e enseñansa i práktika di Hesus, e Señor di Sabat. E Sabat ta un dia di komunion i di delisia ku Dios i unu ku otro. E ta e símbolo di nos redenshon den Kristu, un señal di nos santifikashon, un toke di elegansha, i e muestra di e futuro etèrno di e reino di Dios. E Sabat ta un señal perpetuo di Su pakto etèrno entre E i su pueblo. Opservansha gososo di e oranan sagrado di anochi pa anochi, di bahada di solo te bahada di solo, ta un selebrashon di un Dios i di aktonan redentivo. (Gén. 2:1-3; Eks. 20:8-11; Lukas 4:16; Isa. 56:5, 6; 58:13, 14; Mat. 12:1-12; Ex. 31:13-17; Eze. 20:12, 20; Deut. 5:12-15; Heb. 4:1-11; Lev. 23:32; Marko 1:32.)
  



• 21. Moyordomia
  Nos ta mayordomonan di Dios, konfiá p'E ku tempu i oportunidatnan, habilidatnan i poseshonnan, bendishonnan di tera atrabes di DjE i Su rekursonan. Nos ta responsabel Su dilanti pa e uzo apropiá di esakínan. Nos ta rekonosé Dios komo doño dor di duna un servisio fiel na dj'E i na nos próhimo, i dor di debolbé nos diesmo i ofrenda pa proklamashon di e evangelio i sostenementu i kresementu di Su iglesia. Mayordomía ta un privilegio duná na nos dor di Dios pa nos nutrishon den amor i viktoria riba egoísmo i kodisia. E mayordomo ta regosihá di e bendishonnan ku ta bini komo resultado di su fieldat. (Gén. 1:26-28; 2:15; 1 Kron. 29:14; Hageo 1:3-11; Mal. 3:8-12; 1 Kor. 9:9-14; Mat. 23:23; 2 Kor. 8:1-15; Rom. 15:26, 27.)
  



• 22. Kondukta Kristian
  Nos ta yamá pa ta hendenan Kristian ku ta pensa, sinti i aktua den harmonía ku e prinsipionan di shelu. Pa e Spiritu por rekreá den nos e karakter di nos Señor, nos ta enbolbi nos mes den e kosnan ku lo produsí e puresa ku Kristu ta ofresé, salú, i goso den nos bida. Esakí ta nifiká ku nos enbolbimentu i nos dibertishon mester kuadra ku e standartenan haltu ku e smaak i bunitesa Kristian. Mientras nos ta rekonosé diferenshanan kultural, nos bistí mester ta simpel, modesto i limpi, representando esnan ku tin e berdadero bunitesa ku no ta konsistí di adòrno eksterno, pero ta dòrna nos mes ku e bunitesa ku no ta peresé di gentilesa i di un spiritu trankil. E ta nifiká tambe ku pasóbra nos kurpa ta e tèmpel di Spiritu Santu, nos mester kuida p'e inteligentemente. Huntu ku ehèrsisio adekuá i sosiegu, nos ta adoptá e dieta di mas saludabel posibel i ta apstené di kumindanan impuru ku ta identifiká den Skritura. Siendo ku bibidanan alkohóliko, tabako i uzo iresponsabel di droganan i narkótikonan ta dañino pa nos kurpa, nos ta apstené di nan. Na lugá di esei nos ta enbolbi den kualke otro aktividat ku ta trese nos pensamentu i kurpa den e disiplína di Kristu, kende ta hasi nos kompleto, duna nos goso i kosnan bon. (Rom. 12:1, 2; 1 Juan 2:6; Efe. 5:1-21; Fil. 4:8; 2 Kor. 10:5; 6:14-7:1; 1 Pedro 3:1-4; 1 Kor. 6:19, 20; 10:31; Lev. 11:1-47; 3 Huan 2)
  



• 23. Matrimonio i Famia
  Matrimonio a ser divinamente establesé na Eden i afirmá pa Hesus pa ta e union di bida largu, entre un hòmber i un muhé ku ta den un rel ashon amoroso. Pa e Kristian matrimonio ta un pakto hasí na Dios i tambe na su pareha, i mester ser hasí solamente pa dos hende ku ta kompartí e mésun fe. Amor mutuo, honor, rèspèt i responsabilidat mester ta e fábrika di e rel ashon akí, ku mester reflehá amor, santidat, aserkamentu, meskos ku e permanénsia di relashon ku ta èksistí entre Kristu i Su Iglesia. Rel ashoná ku divorsio, Hesus a siña ku e persona ku divorsiá for di su esposo, eksepto di fornikashon, i kasa ku un otro, ta kometé adulterio. Maske ku tin algun rel ashonnan familiar ku ta kai chikí for di e ideal akí, parehanan kasá kende a hasi un pakto kompleto un na otro den Kristu mester atkerí unidat amoroso atrabes di e guiansa di e Spiritu i nutrí pa e Iglesia. Dios a bendishoná e famia i ta e intenshon pa su miembronan yuda otro pa yega na total madures. Mayornan mester eduká nan yunan ku amor i obedensha na Dios. Pa nan ehèmpel i palabra, nan mester siña nan ku Kristu ta un disiplinador amoroso, semper tierno i kuidando, Kende ke pa nan bira miembronan di Su kurpa, e famia di Dios. Oumentando aserkamentu familiar ta un di e puntonan importante di e mensahe di e evangelio final. (Gén. 2:18-25; Mat. 19:3-9; Juan 2:1-11; 2 Kor. 6:14; Efe. 5:21-33; Mat. 5:31, 32; Marko 10:11, 12; Lukas 16:18; 1 Kor. 7:10, 11; Eksodo. 20:12; Efe. 6:1-4; Deut. 6:5-9; Prov. 22:6; Mal. 4:5, 6.)
  



• 24. Kristu Su ministerio den e Santuario Selestial
  Tin un santuario na shelu, e berdadero tabernakel kende Señor a stablesé i no hende. Den Dje Kristu ta ministrá na nos fabor, hasiendo posibel na kreyentenan e benefisio di Su sakrifisio ekspiatorio ofresé un biaha na tur riba e krus. El a ser inougurá komo nos gran Sumo Saserdote i a kuminsá su ministerio intersesorio na tempu di Su asenshon. Na 1844, na fin di e periodo profétiko di 2300 dia, El a drenta den e segundo i último fase di Su ministerio ekspiatorio. Ta un trabou di huisio investigador ku ta e parti di e disposishon pa kaba ku tur piká, tipifiká pa limpiamentu di e santuario Hebreo riba e Dia di Ekspiashon. Den e servisio típiko akí e santuario ta wòrdu hasí limpi ku e sanger di animalnan sakrifiká, pero e kosnan selestial ta ser purifiká ku e sakrifisio perfekto di e sanger di Hesus. E huisio investigador ta revelá na e inteligensha selestial ku entre e mortonan tin esnan ku ta drumi den Kristu i tur esnan promé 72 ku esei, den Dje, ta bira digno pa tuma parti na e promé resurèkshon. E ta manifestá tambe ku entre e bibunan ku ta uní den Kristu, ku ta warda e mandamentunan di Dios i tin e fe di Hesus, i ta den Dje, i p'esei, nan ta kla pa wòrdu trasladá pa Su reino etèrno. E huisio akí ta vindiká e hustisia di Dios na salba tur esnan ku ta kere den Hesus. E ta deklará ku esnan ku a keda fiel na Dios lo drenta e reino. Ora e ministerio di Kristu ta kaba einan, esei lo marka e siere di e probashon humano promé ku e Segunda Binida di Kristu. (Heb. 8:1-5; 4:14-16; 9:11-28; 10:19-22; 1:3; 2:16, 17; Dan. 7:9-27; 8:13, 14; 9:24-27; Num. 14:34; Eze. 4:6; Lev. 16; Rev. 14:6, 7; 20:12; 14:12; 22:12.)
  



• 25. E segundo benida di Kristu
  E Segunda binida di Kristu ta e speransa bendito di e iglesia, e gran klimaks di e evangelio. E binida di e Salbador lo ta literal, personal, visibel i universal. Ora E regresá, e morto hustunan lo resusitá, i huntu ku e hustunan ku ta na bida nan lo ser glorifiká i hibá shelu, pero e inhustunan lo muri. Mayoria di e liñanan di profesia kasi tur a kumpli, huntu ku e kondishon presente di e mundu, ta indiká ku e binida di Kristu ta inminente. E tempu di e evento akí no a ser revelá, i p'esei nos ta ser atvertí pa ta kla tur momentu. (Tito 2:13; Heb. 9:28; Juan 14:1-3; Echonan 1:9-11; Mat. 24:14; Rev. 1:7; Mat. 24:43, 44; 1 Tes. 4:13-18; 1 Kor. 15:51-54; 2 Tes. 1:7-10; 2:8; Rev. 14:14-20; 19:11-21; Mat. 24; Marko 13; Lukas 21; 2 Tim. 3:1-5; 1 Tes. 5:1-6.
  



• 26. Morto i Resurekshon
  Pago di piká ta morto. Pero Dios, Kende ta inmortal, lo duna bida etèrno na Su redimínan. Te e dia ei morto lo ta un estado inkonsiente pa tur hende. Ora Kristu, Kende ta nos bida, lo aparesé, e hustunan resusitá i e hustunan ku ta na bida lo transformá i lo ser tumá den altura pa kontra ku nan Señor. E segundo resurèkshon di e malbadonan, lo tuma lugar mil aña despues. (Rom. 6:23; 1 Tim. 6:15, 16; Ekl. 9:5, 6; S. 146:3, 4; Juan 11:11-14; Kol. 3:4; 1 Kor. 15:51-54; 1 Tes. 4:13-17; Juan 5:28, 29; Rev. 20:1-10.)
  



• 27. E milenio i e fin di Pika
  E milenio ta mil aña di reinado ku Kristu i Su santunan den shelu entre e promé i e segundo resurèkshon. Durante e tempu akí e malbadonan ku ta morto lo ser husgá, e tera lo ta práktikamente desolá, sin ningun habitante humano, pero okupá pa Satanas i su angelnan. Na fin Kristu i Su santunan i e Stat Santu lo baha por di shelu na tera. E inhustunan morto e ora ei lo resusitá, i huntu ku Satanas i su angelnan nan lo rondoná e stat, pero kandel a ta baha for di Dios i lo destruí nan i purifiká e tera. E universo lo ta liber e ora ei di piká i di pekadornan pa semper. (Rev. 20; 1 Kor. 6:2, 3; Jer. 4:23-26; Rev. 21:1-5; Mal. 4:1; Eze. 28:18, 19.)
  



• 28. E tera Nobo
  Den e tera nobo, den kua e hustunan lo biba, Dios lo proveé un kas etèrno pa e redimínan i e medio ambiente perfekto pa bida etèrno, amor, goso i di siñansa den Su presensia. Pasóbra einan Dios mes lo biba huntu ku Su pueblo, i lo no tin sufrimentu ni morto mas, tur a pasa. E gran kontroversia a kaba, i piká lo no èksistí mas. Tur kos, esnan yen di bida i esnan ku no ta move, lo deklará ku Dios ta amor, i ku E lo reina pa semper. Amèn. (2 Pedro 3:13; Isa. 35; 65:17-25; Mat. 5:5; Rev. 21:1-7; 22:1-5; 11:15.)