1. Alabá e Dios
Alabá Dios, poderoso
E rei di kreashon,
Mi alma, alab’E ta fuerte
E ta nos salbashon,
Tur hende,laga nos ban alab’E
Uni den goso i honr’Ele.
Alabá Dios
Ku ta manda tan Maravioso,
Su protekshon nos ta haña i ta hasi balioso !
Bo no a mira, kon bo deseo nan ta,
Kumpli den Dios su boluntat.
Alabá Dios ku ta prosperá tur di su obra, si,
Su boluntat ta kompaña ku miserikordia.
Pensa bo bon kiko Señor por
Hasi, kon ku Su amor E ta kumpli.
2. Tur Kriatura di Dios i Rei.
Tur kriatura di Dios,
Alsa bo bos kanta ku nos:
Aleluya, aleluya !
O solo ku rayo dora,
I luna ku rayo plateá
Koro:
Alab’Ele, alab’Ele
Aleluya, Aleluya, Aleluya !
O bientu duru i aire bon
O nubianan ku ta pasa
Alab’Ele, Aleluya !
O Mardugá, bo alegrá,
O lus dj ‘anochi bo kanta.
Awa koriendo puru i kla,
Hasi muzik pa Dios skucha:
Alab’Ele, Aleluya!
Kandela magestuoso bria,
Bo ta duna kalor i lus
Tur kos alab’E Kreador
I ador’Ele ku amor:
Alab’Ele, Alaluya
Alab’E Tata i e Yu,
I e Spiritu tres den un
3. Ta Dios mes ta ku nos.
Ta Dios mes ta ku nos,
Laga nos ador’E
Ku temor bini su dilanti.
Dios ta aki den nos,
Den kietut tem’Ele,
Ku humildat bini serka djE.
Den humildat esun ku a konosé Dios,
Ta entrega tur kos.
Bin, i keda den mi:
Pa mane Maria mi por ta
Bo santuario.
Bin, Spiritu Santu,
Ku splendor kambiabel.
Tur honor lo mi duna Bo.
Unda ta aki bou, laga mi rudia
Pa mi adora Bo.
Nos tur ke entrega
Kosnan engañoso,
Orguyo, i mal plasernan
Kontentu, Señor, pa, ta di Bo pa
Semper, bida i obra i nos alma
Lo Bo ta konosi komo e Dios di nos
Ser, dekretando leinan.
4. Alabá e Rei di Shelu
Alabá e Rei di Shelu,
Su dilanti rudia
Salba, restora, pordona,
Ken mas ku bo por kanta?
Alab’E, Alaluya!
Alab’E eterno Rei
Pa Su grasia i fabornan,
Pa kuida nos tatanan
Alab’E meskos pa semper,
Lihe pa bendishona
Alab’E, Aleluya!
Glorioso den fieldat
Tierno E ta proteha nos.
Nos flakesanan e sa,
Den Su man E ta karga nos,
Salba nos di temor
Alab’Ele, Aleluya
Mes tantu ku Su gran amor.
Solo i luna ador’Ele
Habitante especial
Alab’Ele, Aleluya
Juda nos alabá Dios
Alab’Ele, Aleluya
Alab’E eterno Rei
5. Mi speransa Funda den Dios.
Riba Dios mi speransa ta funda
Mi fe E ta renobá
Dor di kambio E ta Gia Mi
Kosnan bon i kosnan fiel
Dios, E so deskonosi
Serka dje ta yama mi.
Orguyo i gloria di e Mundu
Ta kita su konfiansa
Loke ta traha ku trabou
Tempel mes ta masha bou
Su poder tur instante
Ta mi tempel defensor.
Dios su bondat semper bai ta dura
Hundu Su sabidoria,
Bida E tin, lus i splendor
Bunitesa den tur kos
Amor ta den Su man.
Goso E tin manera laman.
For di nos na Dios eternal
Alabánsa ta duná
Nos alabánsa mas haltu
Pa regalo di bo Yu
Nos tur Kristo ta yama ,
E ku sigui, lo ta salba
6. Adorá Señor
Adorá Señor den beyesa di santidat
Bin Su dilanti, Su gloria mustrá
Ku nos obedensia, I ku tur nos
Humildat, Su Nomber ta Dios
E ta nos Dios
Na Su pianan, laga tur bo deskuidonan
Riba Su kurason lÉ karga nan
L’E konfortá bo, kontesta bo orashon
Guia bo pasonan mihor pa bo
No teme di drenta, Su korte den flakesa
Dje pober rikesa ku ta di bo.
Beyesa di berdat i ternura di amor
T’e ofrendanan pa Su pianan.
Maske nos trese nan, Temblando ku temor
E ta asepta nan pa Su nomber
Goso L’E duna,pa tur nos tristesanan
Speransa pa nos kita tur temor
7. Den Sion Dios ta Reina
Den Sion Dios ta Reina
Laga Mundu gosa
I bin dilanti Su trono
Ku gran alegria
Den Sion Dios ta reina
Aya lo alab’E
Na djÉ e prins lo rudia
I rei duna gloria
Den Sion Dios ta reina
Ken ta manera E ?
Profundidat ta den Su man
I tambe gran laman.
Ku onor koron’Ele
Laga Su norma bula
Te islanan di mas aleu
Por haña salbashon
Den Sion, Dios ta reina
Nos tempu ta di dje
I drenta den Su portanan
Yena nan ku kansion
Den Sion, Dios ta reina
Aya lo alab’E
Eksals’e Rei di Shelunan
I koron’E Señor.
8 .Nos a Uni Huntu
Nos a uni huntu pa buska bendishon
E ke pa nos kumpli ku Su boluntat
E malbadonan a stòp di oprimi nos
Nan ta alabándo e nòmber di Dios
Dios ta nos Guiador, Semper huntu
Ku nos, Su reino divino E ta mantene
P’esei fo’i prinsipio e guera nos a gana
Ku Dios na nos lado,
O gloria na dje .
Nos tur ta alsa Bo, lider viktorioso
I ta pidi pa Bo ta nos Defensor
Ku Bo kongregashon por skapa tribulashon
O gloria na Bo nòmber,
Señor libra nos.
9. Laga tur den tur Skina di Mundu Kanta
Laga Mundu den tur Skina kanta
Mi Dios i Rei; Shelu no ta haltu
P’e kanto bai aya;
Tera muchu abou, Pa e krese aya;
Laga mundu den tur Skina kanta
Mi Dios i Rei.
Laga Mundu den tur Skina kanta
Mi Dios i Rei, Kanta ku Salmonan
Nada por stroba nan;
Ma ta e kurason
Mester karga tur kos.
Laga Mundu den tur skina kanta
Mi Dios i Rei.
10. Bin Kristian, Bin Kanta
Bin Kristian, bin kanta,
Aleluya! Amèn!
Kristo Rei, Alabá.
Aleluya, Amèn.
Ku kurason i bos,
Nos t’adorá nos Dios
E ke adoráshon.
Aleluya! Amèn.
Bin alsa kurason
Aleluya! Amèn!
Laga e rezona.
Aleluya! Amèn!
E ta Amigu bon
E ta nos Salbador
E tin eterno amor
Aleluya! Amèn!
Kristo nos t’Alabá
Aleluya! Amèn!
Bida no ta kambia
Aleluya! Amèn!
N’e kosta selestial,
Nos lo sigui kanta
Kanta p’eternidat.
Aleluya! Amèn!
11. Alab’E Dios di Abraham
Alab’E Dios di_Abram
Sintá den Su trono
Ansiano di eternidat
Dios di amor;
Jehova! Ami ta!
Pa shelu i tera konfesa
Mi ta Alabá Su nòmber bon
Bendishoná.
Alab’e Dios di_Abram
Na ken Su komando
Mi a lanta, buska goso
Na Su lado.
Mundu mi ta laga
Su podér i fama
I hasi E si mi porshon
Mi protekshon.
E Huéste triunfal
Ta Alabá Señor
Tata, Yu, Spiritu Santu
Nan t’alabá
Alabá Dios di abram
Mi ta uni ku nan.
Poder i mahestat ta ku Bo
I Alabánsa.
12. Ku Goso Nos Ta Adorá Bo
Ku goso nos ta adorá Bo
Dios di gloria i amor
Manera flor nos kurason
Ta duna Bo bonbiní
Kita nubia di pikanan
Kita tur nos dudanan
Dunador di goso etèrnal
Yena nos ku Bo lus kla.
Tur bo obranan ku goso
Ta reflehá rayonan
Angelnan ta rondoná Bo
Sènter di adoráshon;
Kampo grandi i serunan
Yanura i laman
Páranan i fuent’i awa
Ta manda nos alegrá.
Bo ta duna i pordoná
Semper ta bendishoná
Bo ta fuente di tur goso
Un laman di dushi pas!
Bo e Tata, Kristo e ruman
Ku tin amor ta di Bo
Siña nos pa stima otro
Alsa nos na Bo goso.
13. Laga Nos Selebrá di Nobo
Laga nos selebra di nobo
P’Esun ku gran kos a hasí
Amor den gran splendor entroná.
Bin, ador’e Altísimo!
Su salbashon Ela proklamá
Ku nos ku goso ta parti
Pa proklamá na tur nashonnan
Su hustisia ta etèrnal.
Alegre, i ku goso resoná
Kada instrumènt i ku bos
Laga splendor i grasia zona,
Yamando Mundu pa alegra.
Tròmpèt i òrgel na moveshon
Ta duna shelu vibrashon
Tur kos bibu den tera i laman
Hasi muzik na bo gran Rei.
Riunan, laman, i awanan brutu
Onra Señor ku gran klamor;
Seru i piedranan kara ariba
Ta buska bos pa ador’E.
Hustu i semper glorioso
Su adorashon no ta kaba
Hustu ta Dios i viktorioso
Ku ta duna Mundu Su pas.
14. Alaba nomber di Señor.
Alaba nomber di Señor
Dun'E gloria
Amen, Amen, Amen,
Amen, Amen
Boso bai den mundu henter
Aleluya! Amen,
Amen, Amen,
Amen, Amen,
15. Mi Kreador i Rei.
Mi Kreador i Rei,
Na Bo Mi Debe Tur,
Bo Ta E Soberano,
I Feunte di tur Poder
Bo ta e soberano
I Feunte di tur Poder.
Bo Kriaturnan
Di Bo ta depende
Pa tur Bo benefisionan
Nos nunka por paga
Pa tur Bo benefisionan
Nos nunka por paga
Kiko mi por duna si di Bo tur kos ta,
Bo gran amor ta pidi
Un kurason entrega
Bo gran amor ta pidi
Un kurason entrega
Bo grasia ta inspira
Fe den Bo poder,
Laga kada palabra di Bo,
Semper guia mi,
Laga kada palabra di Bo,
Semper guia mi.
16.Tur Hende ku Na Tera Ta.
Tur hende ku na tera ta,
Ku goso na Senor kanta;
Nos ta dun’E alabansa
Bini i boso alegra.
Sabi ku nos Señor ta Dios
Ta e mes ku a traha nos;
Nos ta su yu, ku e ta kuida
Su karnenan tambe nos ta
Kanta su porta ku goso
Su korte ku alegria,
Su nomber alaba semper,
Tesei ta nos tur su deber.
Señor nos Dios ta masha bon
Pa semper E tin kompashon;
Su berdat semper firme a para
Pa siglonan lo e dura
17.Senor di tur Ser.
Senor di tur sernan, leu entrona
Bo gloria ta den e solo i strea
Sentro di alma di tur kos
Tog serka kada kurason
Tog serka kada kurason
Solo di bida, Bo rayonan
Ta tira lus riba nos kaminda
Nos speransa, Bo dushi lus
Ta alegra nos vigilansia
Ta alegra nos vigilansia
Nochi pa nos ta sin Bo sonrisa
Merdia ta Bo amaniser
Bo regenboog ta siñal pa nos
Tur, ku no peka, ta di Bo
Tur, ku no peka, ta di Bo
Senor di aki bou, ariba
Bo ta berdat, Bo kalor ta amor
Dilanti Bo trono lusi
Nos no tin brio di nos mes
Nos no tin brio di nos mes
Dun’e berdat pa libra nos
I kurason sende pa Bo
Te ora Bo altar lo tin
Un santu lus, un vlam selestial
Un Santu lus, un vlam selestial
18. O Strea di Marduga.
Briante Strea di marduga
Ku lus di Dios Bo ta bria
Lombra ku pas i grasia
Rasa i Jakob yu di David
Senor, Mahestro, B’a gana
Nos pa sirbi Bo semper
Mansu, Santu i Glorioso
Victorioso, yen’i bendishon
Gobernando riba tur kos.
Ora Bo wak nos ku amor,
Mes ora ta bini di Dios
Rayo di plaser puru
Bo palabra i Spiritu
Ta refreska nos almanan
Bo ta nos gran tesoro
Bo amor ta alegra nos!
Hala serka pa sina nos
Dios Su amor lo alkansa nos.
Nos Tata Santu, den Bo yu
B’a stima for di prinsipio
Ta mundu su fundeshi
Bo Yu a salba nos ku’amor
Pa ta ku ne aki, aya
E ta bo gran salbashon.
Aleluya Kristu bibu ta duna
Nos bida eterno
Warda nos i nunka faya
O laga arpanan toka
Nos goso ta yen di muziek
Nos bosnan tur lo meskla!
Kristu ta bai huntu ku nos
Awe, mañan, tur dia
Su amor nunka ta faya
Kanta! Toka, alabansa, aleluya!
Konta e Historia
Grandi E ta, E Rei di gloria!
19. Kanta un Himno na Senor.
Kanta un himno na Senor
Pa su obra hasi
Su brasa santu i Su man
Vitoria a gana
Ku arpanan i salmonan
Na Jehova kanta
Laga trompetnan zona
Pa halsa Hesus nos rei.
Tur kosnan den laman grita
Mundu henter kanta
Laga e riunan bati man
I serunan gosa.
Dilanti Dios: E ta bini
E mundu pa husga
Ku hustisia i gran amor
Su peublo den rektitut.
20. Alaba Senor.
Alaba Señor! Den halturanan
Alegra den djE, angelnan di lus;
Shelu ador’Ele, ken a kria bo
I baha dilanti djE, den brio bisti
Alaba Señor! Riba tera aki
Ku bos melodioso, yunan di djE
Esun ku a duna Su grasia
Alaba Esun ku a siña bo kanta
Alaba Señor, tur kos ku tin bos
Ku tono hubilante resona ront
E tono profundo di e orgelnan
I arpa lo toka di Su obranan
Alaba Señor, kanto i gratitut
Na dj’E sea duna, henter siglonan;
Pa e kreashon i tambe restourashon
Pa grasia di salbashon, Alaba Señor.
21. Dios Inmortal, Invisibel.
Inmortal, invisibel, Dios ta sabí
Den lus for di nos bista E ta skondi
Bendito, glorioso, E Dios di Edat
Bo ta poderoso, nos ta Alaba Bo.
Inkietut, trankilo, i ketu E ta
Sin pidi, sin gasta, Bo ta goberna
Mes haltu ku seru Bo hustisia ta
Bo nubia ta fuente di Bo gran bondat.
Bida Bo ta duna na grandi i chiki
Den tur Bo ta biba un bida sigur
Nos ta florese meskos ku yerbanan
Despues nos ta muri, Bo no ta kambia.
Gran Tata di gloria, Bon Tata di lus.
Angel ta’adora Bo, kubriendo nan mes
Onor nos ta duna, ke mira Bo
Ta un splendor di lus so ta skonde Bo
22. Dios ta nos kanto.
Dios ta kanto, tur kantante felis.
Si alab’E lo risibi pas.
Tur ku alaba Dios ku afekshon
Ta duna nos sabiduria
Ta duna nos sabiduria.
Dios ta nos kanto, Hesus ta salba
Si alab’E nos ta duna nos tur.
Kanto nobo nos lo kanta uni.
Ora Hesus guia nos na e lus
Ora Hesus guia nos na e lus.
E konta aki, nada por stroba,
Ken ku alab’E nunka tin rabia.
Amor konose bon kombinashon
Dios ta traha riba tereno bon
Dios ta traha riba tereno bon.
Dios ta silensio, si no tin kanto
Ora dolornan silensia nos bos,
Glorioso ta pa nos obedes’E.
Te ora nos por bolbe alab’E
Te ora nos por bolbe alab’E.
23. Kloknan alegre ta zona
Kloknan alegre ta zona
Tur e serunan ta alab’E.
Halsa bo kurason haltu
Tur e serunan ta alab’E;
Tempu di fiesta a trese.
Tur famia pa bishita
Ta pone nos bosnan kanta.
Tur e serunan ta alab’E.
No tin mas stima ku na kas
Tur e serunan ta alab’E
Nos ta paga tur tristesa
Tur e serunan ta alab’E;
Nos ruman ta Hesus Kristo
Ta mara nos tur huntu
Ku a nanse di Maria
Tur e serunan ta alab’E.
Aña friu, bisti na blanku
Tur e serunan ta alab’E
Bon boluntat na tur hende
E serunan ta alab’E
Dios su bondat nos ta gosa
Parti pan, i warda e arma
Kla nos kurason ta bria
Tur e serunan ta alab’E.
24. Strea lo kanta alegre
Strea lo kanta alegre
Kada un haltu o humilde
Bin alabá rei di shelu
Ku tur nòmber ku bo sa
Koro:
Dios aya! Nos aki!
Santu ta e nomber di Dios.
Or’E rei di tur kreashon
Tabatin pesebre aki
Kurpa santu E tabatin
Tambe Su nasementu
Kada planeta e Strea
Ku ta haltu I humilde
Bin alabá rei di shelu
Ku tur nòmber ku bo sa
25. Alaba Senor Alsa.
Alaba Senor, alsa Aleluya!
Santunan reuni aki Aleluya!
Angel ront dje trono aya Aleluya
Tur ku komparti Su amor Aleluya!
Shelu i tera ta uni Aleluya!
Konta di su gran balor Aleluya!
Den tur siglo grens na grens Aleluya!
Alab’Ele semper bai Aleluya!
Alaba Senor mira Aleluya!
Su grasia i providensia Aleluya!
Tur ku Ela hasi pa mi Aleluya!
Tur Ela manda dor su Yu Aleluya!
26. Shelunan Alaba Senor.
Alab’E, shelu ador’E
angelnan den shelu alab’E
Solo, luna alegra ku n’E
Alab’E tur strea di lus
Alab’E ta Ela papia
Mundunan obedes’E
Lei ku nunka ta kibra
Pa nos guiansa Ela traha
Alab’E, E ta glorioso
Nunka Su promesa ta faya
Su Santunan ta vensedor
Pika i morto lo no vense.
E ta Dios di nos salbashon
Su poder nos proklama;
Shelu i tera i kreashon
Magnifika su nomber
Alabansa, Bendishon
Nos ta ofrese na Bo, Senor
Alabansa ekspresando
Kanto alegre na Bo;
Ku e santunan den shelu
Nos lo uni den kanto
Manera e Angelnan ta sirbi
Meskos Bo nomber nos ta onra.
27.O puru Di Kurason Gosa!
O puru di kurason gosa,
Gradisi, kanta
Alsa e bandera festival
Krus di Hesus bo Rei.
Koro:
Gosa, (gosa), Gosa, (Gosa),
Gradisi i Kanta.
Ku bos yen di poder
Manera di laman
Manda dilanti himnario bieu
E Salmo antiguo
Ku tur e Angelnan
Ku Santunan terenal
Basha zonido di bendishon
Di goso sinsero
Nos lo sigui kanta
Segun nos ta biba
Di hoben te edat avansa
Den goso i dolor
Alab’E Altisimo
Senor ken nos ta adora
E Tata, Yu, e Spiritu Santu
Un Dios p’eternidat.
28. Alabá Dios pa Bunitesa
Alabá Dios pa bunitesa
Pa nos sentidonan gosa
Ku humildat nos ta alabá
Nos Dios di amor pa su bondat
Alabá Dios pa bunitesa
Pa nos sentidonan gosa.
Alabá Dios ku gusta hóbennan
Ku kurason yen orguyo
Danki pa manda solo pa nos
Meskos ku novio namorá
Alabá Dios, ku gusta hóbennan.
Ku kurason yen orguyo.
Alab’a Esun ku pa un simpel flor
Ta alsa kurason na dje
Danki n’Esun ku ta duna nos
Un bon amigu pa stima
Alab’a Esun ku pa un simpel flor
Ta alsa kurason na dje.
29. Alabá Dios
Alabá Dios ku ta reina
E Dios di tur kreashon
Dios di poder, Dios di amor
E Dios di nos Salbashon.
Ku balsamo mi ta yená
I para tur murmurashon
Alabá Dios, dun’E gloria
Loke poder di Dios traha
Su Grasia ta protehá
Den marduga of anochi
Su bista no ta faya
Den reino di Su gran poder
Tur kos ta hustu i ta bon
Alabá Dios, dunÉ gloria.
Señor nunka no ta hopi leu
Ora nos tin aflikshon
Un judansa ku semper t’ei
Nos pas, goso, bendishon
Meskos ku man di un mama
E ta guia Su eskohí
Alabá Dios, dunÉ gloria
Anto henter mi bida bai
Mi ta duna alabansa
pa hende skucha mi kansion
Ku mi bos sin kansa ta alsa
Gosa den Dios, mi kurason
Alma i kurpa, koperá
Alabá Dios, dun’E gloria.
30. Bo Nómber Nos Ta Alabá
Bo nómber nos ta alabá
Bo dilanti nos ta rudia
Nos tur ta asepta Bo poder
Tur den shelu ta adorá Bo
Bo gobierno infinito
Bo reino ta eternal.
Kant’e himno selestial
Korónan di angel ta kanta
Kerobino I Serafino
Koronan sin stòp nan ta kanta
Yena shelu ku bon muzik
Santu, santu, ta Señor.
Santu Tata, Santu Yu
Santu spiritu, Tres boso ta
Tòg tur huntu unu so
Dios individí nos ta yama Bo
Rudiá nos ta adorá
E misterio nos ta aseptá
31. Konta Grandesa di Señor
Konta, konta, grandesa di Señor
Hopi bedishon ta duna na nos
Tierno pa mi ta Su promesanan
Den mi Salbador lo mi alegra.
Konta, Konta, su nomber ta grandi!
Su gran poder I obra di Su brasanan
Su kompashon den tur edat meskos
Su nòmber santu ta poderoso
Konta, Konta di Su poder grandi
Tur gran dominio ta pèrdè balor
Kurasonnan duru kore bai
E humilde ta wòrdu eksalsá.
Konta, konta di su palabranan
Promesa firme i Su kompashon
Konta, Konta, grandesa di Señor
Na tur e yunan I p’eternidat
32. Ora den nos músika Dios ta Glorifiká
Si den muzik Dios ta glorifiká
I adoráshon no ta orguyo
Ta meskos ku kreashon ta grita
Aleluya!
E muzik den nos tur su kurason
Ta hasi un nota nobo resoná
Ora nos alabá Dios den kanto
Aleluya!
Hesus a kanta e anochi ei
Ora ku maldat ta lucha ku e lus.
Laga nos kanta pa e Vensedor
Aleluya!
Usa tur instrumènt pa ador’E
Laga tur ku tin un bos alegrá
Dios duna nos fe pa sigui kanta.
Aleluya!
33. Bolbe Kanta na Señor
Bolbe kanta na Señor,
Doño di milagernan
Alegra den Su obra, I konta Su poder
Bolbe kanta na Señor.
Te na fin di Mundu
Su salbashon ta mustrá
Ainda E ta duna Su miserikòrdia
Den amor na esnan di djÉ.
Bolbe kanta, alegrá.
Konta Su alabansa
Laga nos bosnan den koro kanta Su poder
Resoná ku goso na Señor
Uni ku seru I laman
Pa duna alabansa
Den huisio I hustisia na tera E ta bin
Bolbe kanta na Señor.
34. Nos kanto di Alegria
Alsa nos alegra kanto
Lagá nos tur gradisí
Saka tur pensada tristu
Laga nos tur uni aki.
Gradisi’E pa ken Su grasia
Nos por uni otro bes
I di Ken nos tur a siña
E kaminda pa Hesus.
Koro:
Kanta awor, Kanta awor,
Kantika di alegria
Kanta awor, kanta awor,
Kanta nos hubilo.
Ban kontento ku alegria
I nos goso ekshibí
Pa nos grita nos hosana
Mustra tur nos deboshon
Kanta nos Señor Su gloria
Transformando nos sinti
Konta semper e dushi storia
Ku su tema: “Redenshon”.
Grasia na Bo Tata tierno
Pa tur bendishon di awe,
Ku tur kurashon unido
Mustra tur nan gratitut
Grasia na Bo, O mi Señor
Pa Bo grandi salbashon
Laga Bo Spiritu Santu
Hala nos mas serka Bo.
35 Ku Himno i tur Onor
Ku himno i tur onornan,
yega na Señor
Shelu ku nubia E ta tapa
I awanan e laman.
E ta manda awaseru
pa tera refreska
Tur seru yerba refreska
I den vaye trigo.
E ta stablesé konseho
pa kambio di aña
E ta stop solo su paso i
invierno ta bini.
Su palabra ta dirti sneu,
kampo no ta tristu
E ta manda bientu supla
i primavera bin.
E bientunan i nubianan
ta obedese Dios
Ku himno i tur onornan,
Alaba Señor.
36. Den Bo Presensia
Bo presensia mi alma tin goso
Ken mi ta jama den dolor
Konsuelo den dia, kanto anochi
Mi speransa, salbashon i tur kos.
Ku bos manera zonido mas dushi
E mortonan mes ta skuche
E palu di libanon ta baha pe
Ku su olor aire ta perfuma.
Su lipnan ta fuentenan di hustisia
Pa muha hardin di grasia
Di kua paganu lo haña salbashon
I gosa den Su sonrisa.
E ta mira i dies mil Angel ta alegra
I miyares ta spera p’E
Si e papia eternidat ta zona
Rezonando e alabansa.
37. Kanta albansa na bo Kreador
Kanta alabansa na bo Kreador
Den Himno di gratitut
Ken Su amor ta korona bo
Ku Su donnan eternal
Ma buska Señor, Ela skucha
Su Angel santu ta serka
Dje kas di Su stimanan.
Señor ta bon pa esnan ku buska
Su kara den nan doló
Dunando konsuelo na debilnan
I grasia pa e mañan.
Maske dolor por duna un nochi
Mainta goso tin i lus ku Su
Presensia serka.
Señor lo bira Su kara den pas
Ora nos aserk’Ele;
Su kompashon tierno no ta kaba
Pa esnan ku konfi’Ele
Dios lo no bandoná esnan di dje
Su trono ta eternal;
Su reino ta pa semper.
38. Spierta, Alma Spierta
Spierta.alma spierta
Mek na kosnan eternal
Apura na pia di bo Redentor.
Maske for di bista,
E ta den lus eternal
Ador’E den humildat i yam’E Señor
Su bankete di amor ta spera bo aya
Aki e ta duna preuba dje selebrashon
Mi alma alegra! Na shelu alsa bos
Aleluya, Aleluya, Aleluya.
Skuch’e arpanan!
E himno viktorioso
I e himno eternal zonando den e shelu
Mortal no por uni ku e tono glorioso
Aki nos por kanta nos Alabánsa haltu
E la kumpra nos ku su sanger pa Dios
Na dje ta semper tur poder i viktoria
Laga amen zona den henter shelu
Aleluya, Aleluya, Aleluya.
39. Mainta bon Trempan
Mainta bon trempan Señor
Skucha bo na nos bos
Na Bo bon nómber alaba
Ku gratitut mi Dios.
Solo lombrando a sali ya
Den dje nos ta kana
Siñal e ta dje Salbador
Di nos bon Rei Hesus.
Pa fe den shelu ta mira
E gloria di nos Dios
Pa fe nos tur lo ta salba
Pa Su enfenito amor.
Na e mainta eternal
Ora ku Bo nos ta
Kantika dushi lo kanta
Dje Lamchi i di Moises.
40 Binida di e sabat.
Binida di Sabat
Ta bolbe riba nos,
Manera un mainta
Despues di fèrmedat;
Mane nubia e ta bini
Pa un pais kansa,
Mane sombra di palma
Den sabana gasta.
Ofrenda nos ta trese
Maske e ta manchá,
Un parti di nos sueldo
I di nos bon labor;
Fruta di abnegashon
I di nos stimashon
Duna pa bo spiritu
Ku tur humildat.
Nos ta trese nos karga
Di pika i di maldat,
Serka bo na rudia
Pa nos wordu librà;
Nos tin un amargura
P’e obra no kumpli,
Talentonan malgasta,
Poko triumfo logra.
I huntu ku e tristesa
Un fe firme, sigur
Ku un amor ferviente
Pa puru Bo hasi’e
Pa serka Bo nos haña
Pordon ku nos mester
Despues e pas eterno
Selestial di berdat.
41. O Splendor di Dios su gloria
O splendor di Dios Su gloria
For di lus eternal tresiendo lus
Lus di bida, fuente di lus
Kada dia Bo ta iluminando.
Abo solo berdadero
Laga Bo rayo baha riba nos;
E rayo santifikado
I basha den nos mentenan terrenal.
Gososo e dia anterior
Ku pensamentu bon radiante
Ku fe briando kla
Ta libra nos almanan di skuridat.
Mainta ta pinta shelu
Ku ne dia ta perfekto
Yudansa tur Su yunan ke
Nan ta kanta su nomber glorioso Amen.
42 Awor ku solo ta Sali
Awor ku solo ta Sali
Nos ta alsa nos kurason
pa E den tur nos obranan
Por protehá nos maldad
P’E kuida nos for di konflikto
For di rabia por protehá nos
Di bista malu libra nos
Pa nos no skucha banidat.
Asina ora dia terminá
I nochi riba nos sera
Ku’n konsenshi sin ta manchá
Bo nómber nos ta alabá
Alabansa na e Kreador
Nos alabá Dios eternal
Alabansa n’e Spiritu
Nos lo kanta según lus sali
43 Ora Dia Habri
Ora e dia habri
Spierta mi grita
Kristu ser alabá
Meskos tur ora bai
Na Kristu mi ta bai
Kristu ser alabá
Si klók ta resoná
Den seru i valei
Kristu ser alabá
E diabel ta teme
Si e kanto tende
Kristu ser alabá
Boso di tur nashon
E ta boso union
Kristu ser alabá
Laga mundu henter
Resoná alegre
Kristu ser alabá
Den goso eternal,
E dushi kanto ta
Kristu ser alabá
Laga tera, laman
Tur ekspanshon bisa
Kristu ser alabá
Si mi ta na bida
Lo ta mi kantika
Kristu ser alabá
Mi kanto eternal
Pa tur te na final
Kristu ser alabá
44 Dia a Habri
Dia habri manera promé
Trupial a kanta, E promé
Danki p’e kantu, danki p’e dia
Dunando danki na Señor
Dushi e awa i lus di solo
I e serena riba yerba
Pa e dulsura pa muha tera
Planta kompletu si E pasa
Di mi t’e solo, Di mi mainta
Nasi for un lus den e Eden
Kanta ku goso kada mainta
Rekreashon di un dia mas
45. Habri’e Porta di Beyesa
Habri’e Porta di Beyesa
Sion laga mi drenta
Mi ta trahando ku goso
Sperando riba mi Dios
O lugar bendishona
Yen di grasia sosegá
Mi ta bini Bo dilanti
Bin Bo tambe serka mi
Unda nos por adorá Bo
Ei ta shelu aki bou
Drenta den mi kurason
E ta Bo témpel awor
Ku goso nos ta alabá bo
Bo simia ta bon sembrá
I unda ku e ta sembrá
Lo e duna frutanan
Asina tur ku tende,
Por ta frutanan pa Bo.
Laga mi fe por krese mas
Duna mi Bo don divino
Kon ku tentashon por krese
Bo palabra ta ku mi
Mi guiador den bida
Mi konsuelo den lucha.
Papia i lo mi skucha Bo
Bo boluntat sea hasi
Mi por aserka sin miedu
Miéntras Bo ta yena nos
Aki fuente di bida tin
Balsamo tin pa doló.
46. Keda ku Mi Awe Nochi
Keda ku mi awe nochi!
Dia a terminá
Sombra di nochi ta kai
I nochi ta sera
Sea di mi un heuspet bon
Den mi hogar keda
Koro:
Salbador, keda ku mi, ya ta anochi
Salbador, keda ku mi, ya ta anochi
Keda ku mi awe nochi,
Kana awe ku mi
Bo pasonan ku mi
A pone kurason kima
Den orashon na Bo,
Tene mi serka Bo.
Keda ku mi, awe nochi
Ketu e nochi ta!
Si mi no papia ku Bo,
Ni haña lus den Bo
Mi ta teme ku skuridad
Lo biba den mi kas
47.Dios Ku a traha Shelu i Tera
Dios ku a traha shelu i tera skuridad i lus
B’a duna dia pa traha nochi pa drumi
Guardianan ta defende nos
Miéntras nos ta sosega
Soño santu kompaña nos tur anochi
I ora dia habri atrobe pa bida sigui
Laga nos maske ki pasa obedesé
Skonde nos fo’i dje malbádo
Den kaminda smal guia nos
Nunka ninga Bo sonrisa, henter dia
Kuida nos lamta i na soño
morto tambe
Den Bo poder nos lo drumi,
drumi na pas
Ora e trómpét spierta
O señor no bandoná nos
Hiba nos pa reina ku Bo den gloria aya
Santu Tata aya den shelu
I Santu Yu
E Spiritu Santu tur tres ta un
Nos ta pidi Bo pa grasia
Te nos yega Bo dilanti
I ku kanto adorá bo den tur edad.
48. Sauve Solo ta Baha
Sauve solo ta baha
Fo’i nos bist’a ta kita;
Liber di tur nos trabou
Nos ta komuniká aki ku Bo
Bo ku ta mira tur kos
Di paden i di pafó
Pordoná tur nos pika
Abierto i esnan tapá
Pronto nos lus ta paga
Pa semper e ta paga
Anto liber di pika
Señor, ku Bo hiba nos.
49. Señor, manda un Bendishon
Señor mand’un bendishon
Promé ku nos sosegá
Nos ta konfesá nos falta
Bo por kura i salba
Maske nochi ta bon tristu
Skuridat no por skonde Bo
Bo t’Esun ku no ta kansa
Bo pueblo Bo ta warda
Maske destrukshon ta serka
Bo ta kita e flechnan
Angelnan ta rondoná nos
Salvo nos ta serka Bo
Si nos muri awe nochi
I nos kama ta nos graf
Mar’e nos spiera den gloria
Tur na lus p’eternidat
50. Keda ku mi
Keda ku mi! Nochi serando ta,
I skuridat ya Tera ta tapa
Ora ayudo i konsuelo hui
Bo ku’n ta kambia keda ku mi
Ki rapido bida kambiando ta
I tur su gloria i goso ta pasa
Kambio i atraso tur kaminda tin
Abo ku’n ta kambia keda ki mi
Mi mester di Bo presensia awor,
Pa por libra mi for dje tentador
Ken fuera bo por yuda i guia mi?
Den bon i malu, Bo keda ku mi
I enemigunan lo mi’n teme
Ningun malesa lo mi spanta p’e
Ni morto algu lo hasi ku mi
Basta ku Bo Señor keda ku mi
51.Solo ta Drentando
Solo ta drentando ya
Tur kos kalmo ta keda
Laga nos tur alabá
I nos Dios bendishoná
Pa Su bondat
Koro:
Santu, Santu, Santu
Dios kreador!
Shelu i Tera di Bo amor
Yen nan ta awe Señor
Na Bo loor
O Señor, Bo protekshon
Duna nos Bo kurashon
Duna nos tambe e dushi pas
Na Bo Yu Bo ta duna
Na kandidat
Ora mi ta sosegá
Manda Bo siguridat
I mañan laga mi deber
Hasi semper asina fiel
Pa Bo honor
Ora tur kos términá
Strea, dia, skuridat
Laga lus eterno lanta
I nos bista ilumina
Pa etérnidat
52 Dia ta Kabando
Dia ta kabando, Nochi ta serka
Sombra si anochi, Shelu ta tapa
Duna e kansá un sosiegu dushi
Ku Bo kuido tierno, Sera nos wowo
I henter anochi Angelnan lo t’ei
Ku alanan habri protehando mi
53 Alabansa na Dios
Alabansa na Dios awe
Pa tur bendishon di e lus;
Warda, O warda mi, o Rei
Bóu di Bo fuerte alanan
Señor stima, pordoná mi
P’e malu ku mi a hasi;
Pa ku Mundu, Abo, i mi mes
Prome mi drumi mi tin pas
Laga mi sosegá den Bo
Pa soño dushi mi drumi
Soño ku ta duna vigor
Pa sirbi Dios manesér
Alabá Dios pa tur bondat
Alab’E kriaturanan!
Alab’E, hueste selestial
E tata, Yu i Spiritu
54. O Grasioso lus
O grasioso lus
Di kara di Hesus
Ku e splendor eternal
Santu i selestial
Nos Salbador Hues
Gososo den aparensia
Ora dia kaba
Anochi a yega
Nos ta kanta himnonan
Ta di gran poder
Bo, e Yu enkarná
I Spiritu adorando
Abo ta meresé
Tur kanto sagrado
O Dunador di bida
Bo, e Altisimo
Nos ta glorifika
I pa semper eksalsá
55. Hesus, Pastor Tierno
O Hesus, nos Salbador divino
Duna nos bo bendishon awe
Den skuridat Bo keda ku mi
Ta mainta kuida mi
Henter dia Bo guia mi
I mi ta hopi agradisi
Bo a duna mi kuminda
Skucha na mi orashon
56. Senor e dia ya ta kaba
Senor e dia ya ta kaba,
un otro dia a drenta awe
Ku bo nos a kuminsa dia
Ku bo tambe nos ke kab’é.
Nos ta kontentu ku Bo pueblo
Su warda semper ta hasi
Mientras ku Mundu henter ta drumi
E no tin tempu pa hasi esei
Segun tur Tera i tur Isla
Un otro dia ta habri
Tambe nos kanto i alabansa
Dilanti trono ta subi
Asina ku Bo trono Tata
Ta domina tur potestat
Ora ku reino nan tur pasa,
Lo e keda pa eternidat.
57.Henter Mondi ta Drumi
Henter mondi ta drumi
Nochi ketu ta bini
Den stat, hende i bistia
Abo, kurason, spierta
Den orashon un rato
Pa alaba prome drumi.
Mi Hesus keda ku mi
Pa maldat no bin na mi
Proteha pa Bo mes
Ma si diabel spierta mi
No lag’e herida mi
Ma angelnan proteha mi!
Stimanan sosega bo,
For di kada peliger
Dios lo kuida boso
I duna dushi soño
Angel lo kompana bo
Pa boso kama vigilá.
58. Himno dje Anochi
E himno dj’anochi ta zona
Riba awanan
O hubila! O hubila, O hubila
Amèn.
Serka i mas serka e ta zona
Den oreanan
O hubilla! O hubila, O hubila
Amèn.
59. Gran Goso tin Manera nos a Reuni
Goso tin segun nos bini
Unda nos tur ta uni
Pa nos adora Dios Tata
Den spiritu di Su yu;
Tur ku ke por haña
E iglesia ku’e berdat
Presioso te laso ku ta
Uni nos ku Dios si fe ta friu
Presioso ta tur rekuerdo
Ku e ta nos defensor;
Amor fiel ta mustra
Ku e pastor tin su tou.
Nos por sina for di Kristo
Kon Su tèmpel pa usa,
E ku a stima Su tempel
Ke pa tur adorá ei;
Dios e yu no a saka ni’un
Den su reino tur por bin.
Dios inspira nos ku vishon
Di un Mundu pa gana
Glorioso ta nos mishon;
Duru pa nos kumisa
Fiel awor, asina
Su bolontat ta hasi.
60. Bendishona Hesus Su Palabra
Hesus na bo palabra
Nos a bini pa skucha Bo
Move nos alma kurason
Pa nos buska i teme Bo.
Dor di bo siñansana santu
For di tera pa stima Bo
Tur nos konosementunan
Ta den skuridat bon skondi
Te nos nochi klarese.
Ku e rayonan dje spiritu
Ta Bo so pa Dios por gana nos
Bo ta obra tur kos den nos.
Imparti Bo mes den Senor
Lus di lusnan di Dios biniendo,
Bo habri nos kurason,
Juda nos Spiritu Santu,
Skucha bo Sirbidor Su reugo
Bendishona nos orashon
61. Dios Ta Aki
Dios t’aki. Segun Su peublo
Kontra pa nan adora
Pa nan haña mas bendishon
Pa loke nan a kompartí
aki komo den e mundu
Tur nos artenan
Ta spera e Spiritu Santu
Den kurasonnan habri
Tin sinalnan pa rekorda
Ku nos mester di grasia
Tin mes i e pulpito
E palabra ta sentral;
Aki den predikashinan
Den silensio, den charla
Aki den renobamentu
Dios Su Spiritu ta bin.
I nos yunan ta bon bini
Den e grupo dje pastor
Segun pan i biña pasa
Kristo Ta sostene nos
Aki tur e sirbidornan
Ta buska den orashon
Loke ta den bida diario
Pa kere i adora.
Dios di tur Iglesia i reino
Den un epoka kambia
Tene nos fiel n’Evangelio
Kumpli Bo proposito
Den e dedikashon aki
Tur nos ta duna na Bo
Nos ku no por biba sin Bo
Nos ta stima Bo, i kere.
62. Kon Bunita Bo kas Ta
Kon bunita Bo kas ta pa mi
Senor di ehersitonan
E ta tabernakel di grasia
Kon dushi e lo ta.
Ardiente mi ta anhela
Pa drenta Bo kortenan
Mi kurason mes ta grita
O Dios bibu pa Bo
E mofinan a deskubri
Un kas pa nan biba
E zwaluw tambe pa su mes
Neshi e la buska
Asta Bo altar
Pa E trese su yunan salvo
O Dios di ehersitonan
Bo ta mi Dios i rei.
Bendito esnan den Bo kas
Nan lo alaba Bo
Bendishona e hende ta
Ku ta obedese.
63.Bin Kanta na Señor
Bin i kanta na Señor
Bin kada unu di nos
Alegra kanta na nos Baranka
Di nos Salbashon
Bini Su dilanti Su presensia
Ku un bos gradisi
Laga nos kanta Salmo p’E
Ku alegre tononan.
Dios ta gran Dios I gran Rei
Riba tur Dios E ta
Profundidat ta den Su man
E forsa dje profundidat.
Di dj’E tur oseanonan ta
Ta E a traha laman
Tera seku ta den Su man
Su forma Ela dun’E.
O bin, baha, adora
I rudia resa
Bini serka nos Kreador I Dios
I skucha awe Su bos.
64.Dios Despedi nos ku Bo Bendishon
Dios, despedi nos ku Bo amor
Yena nos ku goso I pas
Laga nos Bo amor konservá
Den Bo grasia triunfá
O! Refreska nos den e biaha
Biahando den desierto aki.
Señor danki nos ta adorá
Pa Bo Evangelio i pas
Ku e fruta di Salbashon
Den nos kurason biba
Semper fiel i, obedesido
Na Bo bèrdat nos por ta.
65.Dios Guia Bo
Dios guia bo te nos kontra aya
Ku Su mannan E guia bo
Ku Su angel kompaña bo
Dios guia bo te nos kontra aya.
Koro:
Te nos kontra aya, te nos kontra
Ku Hesus nos Salbador
Te nos kontra aya te nos kontra
Dios guia bo te nos kontra aya.
Dios guia bo te nos kontra aya
Ora bida peligrá bo
I ku mannan E yena bo
Dios guia bo te nos kontra aya.
Dios guia bo te nos kontra aya
Bou Su ala E kuida bo
Ku Su brasa E rondoná bo
Dios guia bo te nos kontra aya.
Dios guia bo te nos kontra aya
Ku amor E rondoná bo
Te Hesus mes bin hiba bo
Den Su reino ku Ela prepará.
66.Dios Guia Bo
Dios guia bo te nos kontra aya
Ku Su mannan E guia bo
Ku Su angel kompaña bo
Dios guia bo te nos kontra aya.
Dios guia bo te nos kontra aya
Ora bida peligrá bo
Ku su brasa e rondoná bo
Dios guia bo te nos kontra aya.
Dios guia bo te nos kontra aya
Bou Su ala E kuida bo
Ku Su brasa E rondoná bo
Dios guia bo te nos kontra aya.
Dios guia bo te nos kontra aya
Ku amor E rondoná bo
Te Hesus mes bin hiba bo
Den Su reino ku Ela prepará.
67.Señor, laga Bo Sirbidor
Señor, laga Bo sirbidor
Bai ku pas selestial
E gloria mi a mira
Di Bo grasia rendentor.
Lus pa guia pagano
Na Bo seru santu
E gloria di Bo pueblo, eskohi Israël.
Permiti pa mi por sigui
Bo rayo glorioso
Te sombra terrenal plama I fe kambia bista.
Te santunan lo reuni n’e kosta briante
Unda Kristo bendishoná
Semper lo lusa nan.
68. Regosando Riba Nos Kaminda
Nos ta bai alegre, Regosihando
Nos Lider a vense.
Satan a pèrdè
Kristo nos Salbador,
Ken, si nos keda fiel,
por kaba ku nos?
Koro:
Nos ta bai alegre
Nos ta avansá
Skucha nos legria
Dios di nos amor.
Ta nos Dios i Tata
Nos tur ta kanta
Na e Dios Salbador
Nos ta gradisí
Na Dios e Spiritu,
nos ta adorá
Nos ta bai alegre
Awor i semper.
69. Dios Hasi Nos Santu
Dios hasi nos santu
Dios hasi nos santu
Dios hasi nos santu
Te ora nos kontra.
Dios hasi nos mas fiel
Dios hasi nos mas fiel
Dios hasi nos mas fiel
Te ora nos kontra.
Dios hasi nos mansu
Dios hasi nos mansu
Dios hasi nos mansu
Te ora nos kontra.
Hasi nos amabel
Maner’e Salbador
Maner’e Salbador
Te ora nos kontra.
70. Alab`e Tata
Alab`e Tata
pa su amor eterno
ku kompashon e ta kuida su yunan
Alab`e angel,
Alab`e den shelu
Alab`e Jehova.
Alab`e Kristo,
Grandi den kompashon
E ta kuida su pueblo den su grasia
Hóben i birgen
Hòmber bieu i muchanan
Alab`e nos Señor.
Alab`e Dios
I su spiritu Santu
Manda dje Tata i su yu bendito
Alab`e Tata
Yu i spiritu Santu
Alab`e etèrno Tres.
71. Bin Rei Poderoso
Bini Rei poderoso
Yuda nos adorà bo so
I Alabà, Tata glorioso
Tur viktorioso
Gobernà riba nos,
Ansiano bon.
Bini palabra enkarnà
Bisti ku bo armadura
O skucha nos
Bini i bo duna
Bo palabra poder
Spiritu i santidat
Baha den nos.
Bin Santu Konsolador
Sagrado testiguador
Awor aki bo ta poderoso
Gobernà riba nos
I nunka laga nos
Spiritu i Dios.
O gran Dios tres den un
Alabansa sea na bo
Di awor i pa semper i semper
Nos lo ta den gloria
I`adora pa semper
Tata etèrno.
72. Kreador di Streanan
Kreador di e streanan,
Lus eternal di hendenan
Kristo salbador di nos tur
nos ta pidi Bo, skucha nos
Awor den nòmber di Hesus
Tur mester baha kurason
Kosnan selestial lo bo tin,
Kosnan terenal, Señor so
Na Dios Tata, Dios e yu
I Dios Spiritu, tres den un,
Honor, poder i gloria
Pa tur edatnan etèrnal. Amèn
73. Santu, Santu, Santu
Santu, Santu, Santu
Dios poderoso
Tempran den mainta
Mi ta bini na Bo
Santu, Santu, Santu
Miserikòrdioso
Dios ku ta manda
Den etèrnidat.
Santu, Santu, Santu
Angel t`adora Bo
Nan korona nan ta tira
Tur rònt i abou
Miles i miones
Den tur reverensha
Ta adorà E Santu Trinidat.
Santu, Santu, Santu
Kubri skuridat
Pa wowo humano
Bo gloria ta skondi
Abo so ta santu
No tin pa igualà Bo
Grandi den amor
Poder i puridat.
Santu, Santu, Santu
Dios amoroso
Shelu, awa`i tera ta mustra
Bo amor
Santu, Santu, Santu,
Dios omnipotente
Dios mahestuoso
Bendito trinidat.
74. Mane`riu Glorioso
Mane`riu glorioso ta Señor su pas
Riba tur glorioso si e òumenta
Perfecto e ta kore, kada dia mas
Perfecto e ta krese, semper profundo
Koro:
Konfia den Jehova ta bendishonà
Segun su promesa, tin perfekto pas
Skondi den e plantà di Señor su man
Ningun enemigu, nunka por para
No por tin tristesa, ni prekupashon
Ni ningun apuro ta toka aya
Tur goso i prueba ta bini di Dios
Dunà na su yunan den amor pa nos
Nos por tin konfiansa ku`e ta guia nos
Tur ku ta konfi`Ele, Ta hañ`Ele fiel.
75.Maravia di dje Tur
Maravia tè bahada di solo
Maravia dje solo subi
Ma e maravia mas grandi pa mi
Maravia ku Dios ke mi.
Koro:
O ki maravia,
O ki maravia,
Djis di sa, ku Dios stima mi
O ki maravia,
O ki maravia,
Djis di sa ku Dios stima mi
Maravia di primavera
Shelu, solo i tera
Ma e maravia mas grandi pa mi
Maravia ku Dios ke mi
76. O amor ku no ta laga mi bai
O amor ku no ta laga mi
Na bo mi alma lo ta pega
Mi ta duna bo bèk mi bida
Pa den su imensidat lo ta,
Mas riku puru p`e
O lus pa sigui mi kaminda
Na Bo lo mi duna mi antorcha
I di Bo fia tur mi rayo
Pa den Bo splendor tur su gloria
Por ta reflehà.
O goso ku ta den dolò
Mi no ta buska pa desvià
Den nubia por rekonosele
E gloria eternal di un dia
Triunfal pa mi
O krus ku a hisa kabes
Mi no ta tenta pa skapa bo
Lo mi drumi den stof di tera
I for di graf lo mi lanta
Pa bida eternal
77 Amor di Dios asina yen
Amor di Dios asina yen
Amor di Dios liber
Bin kalentá mi kurason
Bin guia mi na Bo.
Kayente manera solo
Bo amor ta bria
E ta lora mi den kariño
E ta hala na Dios
Laman mas brutu ta kalma
No teme tempestat
Nochi mas skur ta duna lus
Mas serka ta Hesus
O ki grandi amor di Dios
Amor liber pa tur
Bin drenta mi alma awor
I hasi mi fuerte
78 Pasobra Dios stima nos
Pasombra Dios a stima nos tantu
Ela manda nos un Salbador.
Koro:
Ki amor grandi
Lo mi kant’tele
Dios stima mucha i mi tambe
Hesus a bini, e gran Redentor
Hesus a bini pa salba mi.
E ta yama mi ku bos divino
E ta jama mi ku dushi bos.
Onor i gloria, Amor eternal
Mi ta dun’E te na final.
79. O Amor di Dios kon fuerte
O amor di Dios, kon fuerte i bon,
Eterno i tóg tur bérdat
Inkomprendibel i sin fin
Di mas ku tur di nos saber.
O hanchu abraso di amor
Den shelu nos por mira amor
I riba tera aki bóu
Den e laman i den e roi.
Nos ta mira Bo mas mihó
Den dje ku a bin pa nos eror
Manda dje Tata di amor
Pa biba i pa nos muri.
Nos ta mira Bo gran poder
Pa bendesi i pa salba
I fói dje graf resusitá
Pa nos tur aki por salba
O Amor di Dios, nos eskudo
Den tur peliger di awe
Amor etèrno, den Bo ta
Pa nos tur aki por salba.
80 Mundu di Dios
Mundu di Dios ta grandi
Profundo, maravioso
Mas aya di pensamentu
No mas aya di kuid’e Dios
Stanhero nos no ta na tera
Birando den espasionan
Nos ta Dios su yunan
Aki ta nos kas, ku tur otro rasanan.
Mundu di nos pa nos biba
Meskla ku goso i ku pas
Yen di maldat, meskla ku bon
Bondat mester ta supremo!
Te Mundu aki Dios a stima
I bondat te Kreador Su plan
Promesa di Dios ta
Binida di Su Yu den mundu.
O mundu di añanan bieu
Un dia tempu a para
Ora sentral, ora ku un krus kruél
Riba un seru a lanta
Den dolo amor ta mirá
E misterio ta rebelá
Sabidoria di Dios
Su grasia ku ta kura nos.
81 Maske mi papia
Maske mi papia manera hende i
Angel, maske mi tin don di profiesia
Maske mi tin yabi di konosementu
Maske mi fe por move serunan
Ma sin amor mi no ta mas mihó
Ta envano, sin e amor
Bo a gasta Bo bida sirbi otro
Esaki mi mester siña.
Amor tin pasenshi,
No ta evidioso
No ta gosa kahida di otro
Amor nunka ta gosa inhustisia
Semper ke hustisia triunfá
No tin final di durashon di amor
No tin prueba ke’n por efrentá
Bo a gasta Bo bida sirbi otro
Lo mi faya sin Bo grasia
Maske kosnan skondi lo tin final
Vishonnan, rapto, profesia
Fe, amor, speransa lo dura
Amor e mas grandi di nan tres
Sin e amor ta envano
Bo a gasta Bo bida pa sirbi otro
Esaki mi mester siña.
82 Kanta ku Goso
Kanta ku goso na Señor
Mortalnan tur di Tera rónt
Sirb’Ele semper ku fervor
Obeses’Ele ku amor.
Kansion di grasia tur kanta
N’e Kreador di shelunan
E Dios etérno adorá
E ta nos Dios i Kreador.
Nos ta su pueblo l’E salba nos
Esnan ku Kristu ta buska
Ningun di nan E ta ninga,
Nan tur l’E libra pa Su amor.
Grandi ta su promesanan
Meskos ku eternidat Su amor
Firme manera roka ta Su berdat
E lo para pa éternidat
83 Alaba e Rei
Alabá e Rei, glorioso E ta
Kontentu Su amor, laga nos kanta
Ansiano dje siglo, i nos Defensor
Rondona ku splendor, i digno d’onor.
Konta Su poder, kanta Su amor
Ken ta lumina nos ku Su splendor
su gloria ta forma nubianan pisá
I skur t’e kaminda dje gran tempestat
Su kuido ta bon, O ken por kanta?
E ta supla e bientu di laman
E serena tambe ta bini di dje
I awanan duchi pa kita nos set.
Nos tur ta Su yu di tera traha
Den dje nos ta konfia sin nos faya
Su miserikórdia kon firme e ta,
Nos Señor Kreador i nos Redentor.
84. Dios Omnipotente
Omnipotente Dios, Rei ku ta guia
E universo ku su potestat
Mustra Bo amor,
For di unda Bo ta reina
Duna nos pas, o Senor di piedat.
Dios tur piedoso, Tera a falta
Ku Bo palabra i Bo Santu lei
No laga Bo rabia lanta den teror
Duna nos pas, o Senor di piedat.
Dios, hustu Bo Senor,
Nos a ninga Bo
Tóg te etemidat Bo ta para maldat i falsedat
Lo no ta ku Bo; Yud'e hustu
o Senor di piedat.
Nos ta duna na Bo adorashon tierno
Pa salbashon for di peligernan
Kantando koro di laman pa laman
Poder i gloria ta di Bo Señor.
85. Tata Eterno, Salbador
Tata etèmo Salbador
T'abo a mara olanan
I apuntá nan limité
o, Skucha si nos yama Bo
Pa e viahero di laman.
Kristo, laman a skucha Bo
Para e furia na Bo bos
Bo a kana riba laman
Bo a drumi den su tempestat
O skucha si nos yama Bo
Pa e viahero di laman.
Spiritu Santu ku a supla
Riba laman brutu i skur
I par'e olanan rabia
I duna pa konfushon, pas
O skucha si nos yama Bo
Pa e viahero di laman.
O Trinidat di gran poder
Eskudo di viaheronan
For di baranka i mal tempu
Protehá nan, unda nan ta
Asina lo lamta na Bo
Himno di tera i laman.
86. Grandi Bo Ta
Señor mi Dios,
Mi alma ta alabá Bo
Tur kreashon ta ekhalsá Bo awor
E streanan, e luna i e solo
Tur ta Bo obra grandi mi Señor.
Koro:
Si mi ke alabá Bo, o mi Dios
Grandi Bo ta, Grandi Bo ta,
Si mi ke alabá Bo, o mi Dios
Grandi Bo ta, Grandi Bo ta.
E paranan ta kanta alabansa
E serunan ta mustra Bo amor
E bientu suave ta supla tur dia
Mustrando nos ki grandi ta Bo amor.
I ora mi ta korda Bo grandesa
Mi no por kompronde tal stimashon
Kon mi Hesus a muri pa pikanan
Pa mi por haña pas i gran pordon.
I ora Kristo bini den Su gloria
Ami lo bai pa biba serka dje
I den Gloria lo mi kont'e historia
Kon grandi ta Bo nómber o mi Dios.
87. Dios den Prinsipio a Papia
Dios den prinsipio a papia
Formando barankanan
Pone bida i movementu
Den tera i strea
E ku a ordená Mundu
Ta fundeshi di nos tur.
Dios ku dor di nos a papia
Dor eventonan pasá
Ta mustra Su plan ainda
Ta papia dor di Su Yu
E ku a ordená Mundu
Su Palabra a duna.
Enkarná ta Su Palabra
Kristo, Sirbidor E ta
Ta yama nos na sirbishi
Ku kurason den akshon.
E ku ke nos obedensia
Ta promé i ultimo.
88.Laga Mi Kanta e Poder
Laga mi kanta e poder
Kua tur kos a krea
Tur e lamanan aki bou
I firmamentu aya
Mi ke kanta Dios Su saber
Ku ta kuida tur kos
Luna ta dependé di dje
I e streanan tambe.
Mi ke kante bondat di Dios
Kua yena tera rónt
Pa Su palabra Ela tra'
Tur kos ku ta eksisti.
E maravianan di Dios
Nunka por tin un fin
Si riba Tera mi mira
O shelu kontemplá.
Tur matanan i flornan tambe
Tur ta demostrá
Tur nubianan i tempestat
Nan tur ta deklará
Tur kriaturanan Señor di Bo
Ta dependé
I unda parti ku nos bai
Bo bos nos por tende.
89. Henter Mundu Alsa Nan Bos
Henter Mundu halsa nan bos
Pa duna onra na nos Dios
I Su nomber bendishoná
Su maravianan mustra
Su grasia proklamá.
Ela traha Mundu i Shelu
Ela traha e streanan
I ta reina aya.
Mahestuoso ta Su lus
Su bunitesa briante
Su hoger bunita.
Bin dia grandi glorioso
Pa Mundu siña bo poder
Tur nashon lo teme Bo.
Anto hende lo konfesa
Bunitesa di Santidat
grasia proklamá.
90 Etèrno Dios
Eterno Dios ku ta sostené
Flornan i e streanan
Pa Bo no tin ningun limité
Ni serka i ni leu
Ningun enemigu, ningun kosta stranhero
Ni'un yu ku En konosé.
O manda nos profetanan
Pa komberti tur pais.
Dios di bèrdat,
Ken sensia ta buska
I Angelnan t'adorá
Luminá kada mente kla di Tribu i nashon
Kita e sombra di eror
Ignoransia i temor
Te ora sabiduria lo hasie kaminda kla.
Dios di beyesa,
Revela den soñonan traha
Den palabra ku ta kanta
Den kurason santu
Siña nos pa bandona shushedat
I tur desakuerdo
Te tur lo sa
Bo bunitesa di bidanan librá.
O Dios di hustisia i grasia
Mira den Hesus Bo Yu
Ken Su bida ta revelá Bo,
Bo lei Ela kumpli.
Yuda nos plama Bo reino,
Te odio disparsé
Bondat biba den kada kurason
I mundu lo tin pas.
91 Vigilador I Santunan
Vigilador i Santunan,
Serafin, Kerubinonan
Hals’E kanto, Aleluya!
Grita dominio I poder,
Arkangelnan I koronan
Aleluya, Aleluya, Aleluya, Aleluya Aleluya
Mas haltu ku e kerubin,
Mas glorioso ku serafin
Ta guia nan, Aleluya!
Abo ku tin e Palabra,
E Señor bo glorifiká
Aleluya, Aleluya, Aleluya, Aleluya Aleluya
Amigu laga nos kanta,
Himnonan super natural
Aleluya! Aleluya!
Na Dios e Tata,
Dios e Yu I Dios Spiritu,
Tres den Un.
Aleluya, Aleluya, Aleluya, Aleluya, Aleluya
92 Mundu ta Mi Dios
Munda ta di mi Dios
P’esei mi ta skucha
Kantikanan ta resoná,
E músika di esfera
Mundu ta di mi Dios
Mi ta sigui pensa
E baranka, I e shelunan
Dor di Su man krea.
Mundu ta di mi Dios
Páranan ta kanta
Lus di dia, e leli blanku
Ta deklara alabánsa
Mundu ta di mi Dios
Ta bria den lo hustu
Den yerba bèrdè mi ta mir’E
E ta papia ku mi tur kaminda.
Mundu ta di mi Dios
Nunka lo mi lubidá
Ku maske maldat ta rònt di mi,
Dios ta E mandador
Mundu ta di mi Dios
Tristu mi no por ta
Señor ta Rei, shelu resoná
Alegra! Nos Dios, ta reina.
93 Tur kos Kla I Bunita
Tur kos kla i bunita
Tur kriaturanan;
Nan tur ta maravioso
Ta Dios a traha nan tur.
Kada flor ku ta habri
Pára ku ta kanta
Ela traha nan kolónan
I traha nan alanan
E serunan ku ta haltu
E riu ku ta kore bai
E nochi i e mainta
Ku ta lusa e shelunan.
E bientu di e invierno
E solo di e verano
Den hòfi tur e frutanan
Kada un Ela traha
Ela duna nos bista
Lepnan pa nos kanta
Kon grandi Dios su poder
Ken a traha tur pa nos.
94 Naturalesa ta Un Buki
Naturalesa ta un buki
Pa anusia Su Kreador
I kaba obra di Su man
Ta mustra algu di nos Dios
Ma den e grasia ku a salba nos
Su gloria ta briando mas;
Riba e krus e ta mustrá
Den sanger presioso drama.
Aki su nòmber ta parse kla
Ningun por rei, ningun proba
Kua dje kartanan ta mihó
E poder o e gran amor
Su nòmber semper nos lo menta
Den zonido pa mortalnan
Angelnan tur ta un ku nos
Pa adorá dilanti Dios.
95. Primavera a Duna Nos Flornan
Primavera a drenta
Rebibando e dia
Bida den su gran poder
Pa e lus ta lucha.
E toke di friu a bai
E winter a pasa
Simia ta spreit afo
Pa rekobra tempu
Matanan i yerbanan
Kua drumí den winter
Nan ta Sali bèrdè i bon
Ku plaser pa krese.
Yen di beyesa Mundu ta
Oro den e bèrdè
Flornan den e serunan
Ta alegra e sabana
Den milager dje dia
Dios Su mes ta mustra;
Bunitesa tin den dje
Bendishon pa tera
Tera E ta renobá
Artista sin rival
Den grasia di renasé
Nos mester rebiba.
96 Spasioso Firmamentu Ariba
Spasioso firmamentu ariba
Ku tur e shelu blou bunita
I stroi di shelu lombra nèchi
Nan gran original proklamá
E solo ku no ta kansa
Ta hasi E kreador Su boluntat mustra
I publiká na tur tera
E obra di un Dios poderoso.
Pronto sombra di anochi lo sera
I luna lo kuminsa su obra
I nochi tras anochi skucha tera
Ripiti su kuenta bunita
Ku tur e strea rònt di dje
I tur planeta den lugar
Ta konfirma notisia bon
I plama bèrdat di fin na fin
Maske solèm den silensio tur
Ta move rònt e globo terenal
Maske ni un bos i ni un zonido
Ta tende di nan movishon
Regosihando ku un bos
Dunando gloria na Señor
Semper kantando Su lor
E man ku a Krea tur kos.
97 Señor di Espasionan
Señor di espasionan,
I di misterionan
Den kreashon por diskubri,
Tur bo gran poder.
Bo mente a plan e galaxia,
Plan kada un atom
I den kada historia,
Bo plannan a kumpli.
Bo imagen den hende ta,
Manchá dor di pika
Di bo e plan di reskate,
Pa salba su alma
Yuda nos konosé bèrdat,
Kumpli Bo boluntat
Te ora nos adoráshon,
Yena nos kurason
98 Bo por konta streanan?
Bo por konta streanan ku ta lombra den firmamentu?
Bo por konta pesa di nubia
Kologando den espasio?
Señor Dios ta kontanan ku su wowonan bon
spierta; E la traha kada un; Ela traha kada un.
Bo por konta moveshon di ala den lus di solo?
Bo por konta moveshon di piska den awanan kla?
Señor Dios a duna nómber
Na tur kriatura aki bou
Ela nombra kada unu
Ela nombra kada unu.
Bo Sa kuantu hopi mucha,
Mainta ta lanta felis
Bo por konta nan bos dushi
Kantando alegre tur dia?
Dios ta skucha tur su bosnan,
Alegrando den nan kantonan
E ta stima kada un.
E ta stima kada un.
99.Dios lo kuida pa bo
No desmayá kiko pasa
Dios lo kuida pa bo;
Boú di su ala di amor keda
Dios lo kuida pa bo.
Koro:
Dios lo kuida pa bo,
Tur dia bai tur ora bai
Elo kuida pa bo
Dios lo kuida pa bo.
Den tur bo lucha i enkeuntro
Dios lo kuida pa bo;
Ora peliger bo por haña
Dios lo kuida pa bo.
Den tur mester E lo proveé
Dios lo kuida pa bo
Nada bo pidi’E lo E no ninga
Dios lo kuida pa bo.
No importa kiko bo preuba ta
Dios lo kuida pa bo;
Inkliná riba dj’E tur kansa
Dios lu kuida pa bo.
100 .Grandi ta bo fieldat
Grandi ta bo fieldat o Dios mi tata
No tin ni’un sombra di bira ku Bo
Bo kompashon no ta kambia ni faya
Bo tabata i semper lo keda.
Koro:
Grandi ta Bo fieldat
Grandi ta Bo fieldat
Kada mainta kon grandi Bo amor
Tur loke mi mester Bo man ta proveé
Grandi ta Bo fieldat, Señor pa mi.
Zomer i wenter i tempu i kosecha
Solo i luna i streanan tur
Uni ku naturalesa pa bisa
Grandi ta bo fieldat Tata di amor.
Pordon i pas ku lo dura pa semper
Ku Bo presensia nos tur ta guia
Forsa p’awe i mayan tur speransa
Bo bendishon semper pa nos tur ta.