- Bon Bini
E website aki ta speshal pa abo ku ta gusta skucha i lesa palabra di Dios na bo propio idioma.
Nos ta sigur ku Dios tin un plan pa ku bo bida. I nos deseo ta ku atraves di e website aki lo bo tin
un enkuentro personal ku bo kreador i Salbador Hesu-Christo.
Dios bendishona bo rikamente i alabes bo ta keda kordialmente invita na Iglesia Amigu Tilburg pa asisti na nos
sirbishinan tur diasabra mainta kumisando for di 9:45
- Pensamentu pa awe
Beibel no ta skibi pa hende sabi so; al kontrario, e ta destiná pa hendenan komun.
E berdatnan grandi ku ta nesesario pa salbashon ta wórdu hasi mes kla ku lus di mérdia;
i ningun hende lo ekiboká i pérdé nan kaminda sino solamente esnan ku ta sigui
nan mes huisio na lugar di e boluntat divino ku ta asina kla mustrá.
Is translated with permission from www.whiteestate.org
-
Kurashamentu
Kon hende kristian mester trata su medio ambiente? Ta kon mester trata Dios Su Kreashon? Tin hende ku ta kuida medio ambiente, te bai ektremo.
Por ehempel, tin hende ta bai den restourantnan kaminda tin krefnan i ta horta nan, bai benta nan bek den laman. Tin esnan ku ta hasi medio
ambiente nan dios. Anto tin esnan ku ta pensa ku e mundu aki ta korumpi, i lo sigui ta korupto, pesei nan por abusa i ekplota e medio ambiente.
Beibel ta mas ku inekibokabel; e mundu aki, e tera aki, lo no dura. Berdat e ta destina pa wòrdu destrui dor di DIOS, ken a priminti di trahe di nobo,
: Un shelu nobo i un tera nobo". Pero esaki, no ta un ekskus, pa abusa òf eksplota e medio ambiente, tòg e tin ku pone nos na mesun tempu den kondishon
di paga tinu i evita di hasi medio ambiente nos dios, manera hopi a hasi i ta hasiendo. Nos mester ta alerta pa nos mes no kai den e ekstremonan ei. Ke
tal di ami i abo komo Atventistanan di shete dia i nos trato pa ku medio ambiente? Kon nos aktitut mester ta pa ku e preokupashonnan ku ta eksisti tokante
medio ambiente i tòg mantene un balansa korekto? Komo Atventistanan Di Shete dia nos ta kere ku hende a wòrdu krea den e imagen di Dios, asina nan
ta representa Dios komo su mayordomonan, responsabel pa goberna e ambiente natural den un forma fiel i fruktifero. Atventistanan di shete dia ta boga
pa tin un estilo di bida simpel, saludabel, kaminda hende no ta subi riba e kaminda di spit di konsumo sin freno, akumulando biennan, i produkshon
di basura. Nos ta pidi hende pa respeta e kreashon, restringi uso di rekursonan di mundu, reevalua su nesesidatnan, i reafirma dignidat di bida krea. Ruman,
komo Kristiannan ku ta kere ku e mundu aki i bida i rekursonan riba dje ta regalonan for di Dios, nos mester ta esnan para mas dilanti pa buska pa kuide.
Ora nos, sinembargo kompronde ku e mundu aki ta algu ku Dios a krea, i ta sostene, ta duru pa mira kon nos por hasi nada otro sino ser mayordomonan
responsabel di dje. Ruman nos egoismo por impakta e forma kon nos ta trata e medio ambiente. Keda den Hesus. Bendishon.
mas..>- Reflectie
Sabbat 18 febrüari 2012
Predikador: B. Nab
Hesus a bin pa salba humanidat. Ora E tabata na mundu Ela kura hende.
Su kura tabata trese salbashon for di pika.
Hesus kier a trese mas kura. Abo kier a tuma loke Hesus tin pa bo?
Òf bo kier kura na bo manera?
- Lesa Beibel pa aña
Laga nos lesa nos beibel diariamente. Aki bo por haña un Schedule pa lesa bo beibel tur dia.
Nos versikulonan pa awe, 23 di Feb 2012 ta:
mas..>
